Kutch News: મુંબઇથી ભુજ (Bhuj) આવતી ફલાઇટ (Flight) રદ થતા પ્રવાસીઓએ મુંબઈ એરપોર્ટ પર હોબાળો મચાવ્યો છે. એલાયન્સ એરની ફલાઇટ કેન્સલ થતાં પ્રવાસીઓ અટવાયા છે. મુંબઈ એરપોર્ટ પર ફ્લાઇટમાં 2 કલાકથી મુસાફરો બેઠા હતા અને અંતે ટેક્નિકલ કારણોસર ફલાઇટ કેન્સલ કરવામાં આવતા મુંબઇ એરપોર્ટ પર પ્રવાસીઓએ હોબાળો મચાવ્યો હતો.
ટેક્નિકલ કારણોસર ફલાઇટ રદ્દ થતા મુસાફરો ભારે મુશ્કેલીમાં મુકાયા હતા, તેમજ મુસાફરો માટે વૈકલ્પિક ફ્લાઇટ માટેની પણ કોઈ વ્યવસ્થા ન હોવાથી પ્રવાસીઓની મુશ્કેલીમાં વધારો થયો હતો. અવાર નવાર મુંબઈથી ભુજ આવતી ફ્લાઇટ રદ્દ થતી હોય છે અને મુસાફરોને પરેશાની થતી હોય છે. ભુજ એરપોર્ટ ઓથોરિટીના ચીફ સિક્યોરિટી ઓફિસર રવિ કુમારે જણાવ્યું હતું કે,આ અઠવાડિયામાં ચોથી વખત મુંબઈથી ભુજ આવતી એલાયન્સ એરની ફ્લાઈટ ટેક્નિકલ કારણોસર રદ્દ કરવામાં આવી છે.
@મહેન્દ્ર મારૂ
આ પણ વાંચો:અમેરિકા જતી એર ઈન્ડિયાની 60 ફ્લાઈટ રદ, પ્લેનની અછતને કારણે એરલાઈને લીધો નિર્ણય
આ પણ વાંચો:રશિયા પર યુક્રેને એક સાથે 10 શહેરો પર કર્યો ભીષણ હુમલો, 30 ફ્લાઈટ રદ કરાઈ
