Kutch News: કચ્છ(Kutch)ના મુન્દ્રામાં AC કોમ્પ્રેસર બ્લાસ્ટ(Compressor Blast)ની ઘટના સામે આવી છે. મકાનમાં એસી કોમ્પ્રેસર બ્લાસ્ટ થતાં પિતા અને પુત્રી ઊંઘમાં બળીને ખાખ થઈ ગયા હતા, જ્યારે માતાને ગંભીર હાલતમાં સારવાર માટે હોસ્પિટલમાં દાખલ કરવામાં આવી હતી. જ્યાં તેમની હાલત નાજુક હોવાનું કહેવાય છે. હાલમાં પોલીસ મળેલી માહિતીના આધારે વધુ તપાસ કરી રહી છે.
ઘટના અંગે પ્રાપ્ત માહિતી અનુસાર, મુન્દ્રા(Mundra)ના બારોઈ રોડ પર સૂર્યનગરમાં એક ઘરની અંદર ભીષણ આગ લાગી હતી. કોઈ કારણોસર, રહેણાંક મકાનની અંદર સ્થાપિત એસી કોમ્પ્રેસર ફાટ્યું, જેના કારણે આગ લાગી. આગને કારણે ઘરમાં સૂતા એક જ પરિવારના ત્રણ સભ્યો ગંભીર રીતે દાઝી ગયા. જેમાં પિતા અને પુત્રીનું દર્દનાક મોત થયું હતું, જ્યારે 30 વર્ષીય માતાને સારવાર માટે મુન્દ્રાની અદાણી હોસ્પિટલમાં દાખલ કરવામાં આવી છે.
મુન્દ્રા પોલીસ (Mundra Police) પાસેથી મળેલી માહિતી મુજબ, આજે સવારે લગભગ 5 વાગ્યે આગ લાગી હતી. રહેણાંક વિસ્તારમાં આગ લાગી ત્યારે આસપાસના લોકો એકઠા થઈ ગયા અને અધિકારીઓને જાણ કરી. ઘટનાની માહિતી મળતાં જ પોલીસ ઘટનાસ્થળે પહોંચી ગઈ હતી અને તાત્કાલિક ખાનગી કંપનીના ફાયર ફાઇટરોને બોલાવ્યા હતા અને પાણી રેડીને આગ પર કાબુ મેળવ્યો હતો. આગ કાબુમાં આવ્યા પછી, ઘરમાં પરિવારના ત્રણ સભ્યો ભડથું થઈ ગયા હતા. મૃતદેહોને પોસ્ટમોર્ટમ માટે હોસ્પિટલમાં મોકલવામાં આવ્યા છે. જ્યારે માતા કવિતાબેનને 70 ટકા દાઝી ગયા બાદ સારવાર માટે મુન્દ્રાની અદાણી હોસ્પિટલમાં દાખલ કરવામાં આવ્યા છે.
આ પણ વાંચો:નાઈજીરિયામાં ઈંધણના ટેન્કરમાં જોરદાર બ્લાસ્ટ, 18 લોકોના મોત
આ પણ વાંચો:સુરતના મોટા વરાછામાં તિજોરી બનાવવાના ગોડાઉનમાં ધડાકાભેર બ્લાસ્ટ થતા લોકોમાં ફફડાટ
આ પણ વાંચો:અમદાવાદમાં પાર્સલ બ્લાસ્ટના આરોપીઓનું પોલીસે નીકાળ્યું સરઘસ
