Jamnagar News: જામનગરમાં પાંચ વર્ષ પછી ફરી કોંગો રોગના વાયરસ દેખાતાં ફફડાટ વ્યાપી ગયો છે. જામનગર શહેરમાં પંચેશ્ર્વર ટાવર વિસ્તારમાં રહેતા 50 વર્ષિય એક આઘેડનું કોંગો ફિવરને કારણે મૃત્યુ થતાં આરોગ્યતંત્રમાં દોડધામ વ્યાપી ગઈ હતી.

આરોગ્ય વિભાગના સૂત્રોમાંથી જાણવા મળતી વિગતો મુજબ પંચેશ્ર્વર ટાવરના ભરવાડ પાડામાં રહેતા મોહનભાઈ મેરૂભાઈ કટોરિયા નામના ૫૦ વર્ષીય આઘેડને તાવ આવતાં તેમને જામનગરની ગુરૂ ગોવિંદસિંઘ હોસ્પિટલમાં ખસેડવામાં આવ્યા હતા. તેમનું ગઈકાલે સારવાર દરમિયાન મૃત્યુ નિપજ્યુ હતું.

તેમના વિવિધ રિપોર્ટસ કરાવવામાં આવ્યા હતાં, જેમાં કોંગો ફીવર પોઝીટીવ હોવાનું જણાઈ આવ્યુ હતું. કોંગો ફીવર રિપોર્ટ બાદ જામનગર મહાનગરપાલિકાનું આરોગ્ય તંત્ર પણ આજે હરકતમાં આવ્યું હતું, અને સંક્રમિત દર્દીના રહેણાંક વિસ્તારમાં દવાના છંટકાવ તેમજ સર્વે સહિતની કામગીરી હાથ ધરી હતી.

જામનગરમાં ૨૦૧૯ માં નોંધાયો હતો પહેલો કેસ

જામનગરમાં ક્રિમીઅન-કોંગો હેમરેજિક ફીવરનો પ્રથમ કેસ વર્ષ ૨૦૧૯ માં નોંધાયો હતો. જેમાં સરકારી હોસ્પિટલના રેસીડેન્ટ મહિલા તબીબને કોંગો થયો હતો હવે ફરી પાંચ વર્ષ બાદ કોંગો વાયરસે દેખાતાં શહેરીજનોમાં ભારે ગભરાટનો માહોલ પ્રહરી ગયો છે

કોંગો લાયરસના લક્ષણો

આ વાયસતી સંક્રમિત થનારા દર્દીઓમાં તાવની સાથે માંસ પેશીઓમાં દુ:ખાવો, માથાનો દુ:ખાવો અને ચકકર આવવા.  સંક્રમણના ૨ થી ૪ દિવસ પછી ઉંઘ ન આવવી, ડિપ્રેશન અને પેટના દુ:ખાવાની ફરિયાદ  મો, ગળા અને સ્કીન પર ફોલ્લીઓ થવી.

-સાગર સંઘાણી

આ પણ વાંચો: રોગચાળાના ભરડામાં જામનગર, કૉંગો સાથે સ્વાઇન ફ્લૂનો કેસ નોધાતા આરોગ્ય તંત્રમાં ખળભળાટ

આ પણ વાંચો: જામનગરની સરકારી કચેરીઓમાં રિયાલિટી ચેક, મંતવ્ય ન્યૂઝના કેમેરામાં કેદ સરકારી બાબુઓની લાલીયાવાડી, સરકારી કચેરીઓમાં વીજ ઉપકરણોનો બેફામ ઉપયોગ, જિલ્લા પંચાયત કચેરીમાં જ બિન જરૂરી વીજળીનો વપરાશ, કર્મચારી હાજર નહિ, પરંતુ લાઈટ-

આ પણ વાંચો: જામનગર જિલ્લામાં ભારે વરસાદ, અનેક ગામડાઓ બેટમાં ફેરવાયા, મંતવ્ય ન્યૂઝની ટીમ પહોંતી અલિયા ગામે, અલિયા ગામથી મંતવ્યન્યૂઝનો ગ્રાઉન્ડ ઝીરો રિપોર્ટ, ગામમાં લોકોના ઘરોમાં ઘુસ્યા છે