New Delhi News: નવી દિલ્હીના (New Delhi) ઈન્દિરા ગાંધી ઈન્ટરનેશનલ (IGI) એરપોર્ટ પર કસ્ટમ અધિકારીઓએ ડ્રગની દાણચોરીના એક મોટા કેસનો પર્દાફાશ કર્યો છે. 24 જાન્યુઆરી, 2025ના રોજ અદીસ અબાબા (Ethiopia)થી આવી રહેલા કેન્યાના પ્રવાસીને શંકાના આધારે અટકાવવામાં આવ્યો હતો. તપાસ બાદ તેના પેટમાંથી કોકેઈન ભરેલી 67 કેપ્સ્યુલ બહાર કાઢવામાં આવી હતી જેમાં 996 ગ્રામ ઉચ્ચ ગુણવત્તાની કોકેઈન હતી. આંતરરાષ્ટ્રીય બજારમાં તેની કિંમત આશરે ₹14.94 કરોડ આંકવામાં આવી છે.
કસ્ટમ અધિકારીઓએ નવી દિલ્હીના ઈન્દિરા ગાંધી ઈન્ટરનેશનલ (IGI) એરપોર્ટ પર ડ્રગની દાણચોરીના કેસનો પર્દાફાશ કર્યો છે. અહીં એડિસ અબાબા (ઈથોપિયા)થી આવી રહેલા એક કેન્યાના નાગરિકને શંકાના આધારે અટકાવવામાં આવ્યો હતો. પૂછપરછ દરમિયાન તેણે કબૂલાત કરી હતી કે તેણે ભારતમાં દાણચોરી કરીને કોકેઈન ભરેલી 67 કેપ્સ્યુલ ગળી હતી.
મળતી માહિતી મુજબ, કસ્ટમ અધિકારીઓને પેસેન્જરની ગતિવિધિઓ પર શંકા જતા તેણે તેને ટર્મિનલ 3 પર રોક્યો અને તપાસ હાથ ધરી. મુસાફરને ટર્મિનલ 3 પર પ્રિવેન્ટિવ કસ્ટમ ઓફિસમાં લઈ જવામાં આવ્યો અને પૂછપરછ કરવામાં આવી. પહેલા તો તે બહાના કાઢતો રહ્યો, પરંતુ સઘન પૂછપરછ બાદ તેણે કબૂલ્યું કે તેણે કોકેઈન ભરેલી કેપ્સ્યુલ ગળી લીધી હતી. આ પછી તેને તાત્કાલિક મેડિકલ તપાસ માટે હોસ્પિટલમાં મોકલવામાં આવ્યો હતો.
હોસ્પિટલમાં ડોક્ટરોની દેખરેખ હેઠળ યાત્રીના પેટમાંથી 67 કેપ્સ્યુલ કાઢવામાં આવી હતી. જ્યારે તેઓને કાપીને તપાસ કરવામાં આવી ત્યારે તેમાંથી 996 ગ્રામ ઉચ્ચ શુદ્ધતાનું કોકેઈન મળી આવ્યું હતું. પ્રારંભિક તપાસમાં પુષ્ટિ થઈ છે કે તે કોકેઈન હતું. આંતરરાષ્ટ્રીય બજારમાં તેની કિંમત આશરે ₹14.94 કરોડ આંકવામાં આવી છે.
તેના જથ્થાને જોતા સ્પષ્ટ થાય છે કે તે એક મોટા આંતરરાષ્ટ્રીય દાણચોરી નેટવર્કનો ભાગ હતો, જે ભારતમાં ડ્રગ્સ લાવતો હતો. યાત્રીની 7 ફેબ્રુઆરીએ NDPS એક્ટ, 1985ની કલમ 21, 23 અને 29 હેઠળ દાણચોરી અને પ્રતિબંધિત માલસામાન રાખવાના આરોપ હેઠળ ધરપકડ કરવામાં આવી હતી. આ સાથે જપ્ત કરાયેલા કોકેઈનને NDPS એક્ટની કલમ 43(a) હેઠળ સુરક્ષિત કરવામાં આવ્યું છે.
ડ્રગની દાણચોરીમાં, દાણચોરો પ્લાસ્ટિક અથવા લેટેક્સની બનેલી નાની કેપ્સ્યુલ્સમાં નશો ભરીને તેને ગળી જાય છે, જેથી એરપોર્ટ પર સુરક્ષા તપાસ દરમિયાન તેઓ પકડાઈ ન જાય. આ પદ્ધતિ જીવલેણ પણ સાબિત થઈ શકે છે, કારણ કે જો કેપ્સ્યુલ પેટની અંદર ફાટે તો દાણચોરનું મૃત્યુ થઈ શકે છે.
આ પણ વાંચો:દિલ્હી વિધાનસભા ચૂંટણી માટે નામાંકન શરૂ, પહેલા દિવસે કેટલા ઉમેદવારોએ ભર્યા ફોર્મ ?
આ પણ વાંચો:PM મોદી આજે દિલ્હી વિધાનસભા ચૂંટણીનું રણશિંગુ ફૂંકશે
