Delhi News: આજથી દિલ્હીમાં (Delhi) ભારતીય જનતા પાર્ટી (BJP)ની સરકાર શરૂ થવા જઈ રહી છે. એક દિવસ પહેલા જ રેખા ગુપ્તાને બીજેપી વિધાયક દળની બેઠકમાં નેતા તરીકે પસંદ કરવામાં આવી હતી.
દિલ્હીની નવી સરકારના શપથ ગ્રહણ દરમિયાન મુખ્યમંત્રીની સાથે છ મંત્રીઓ પણ પદ અને ગુપ્તતાના શપથ લેશે. મંત્રીઓના નામ પણ સામે આવ્યા છે. મંત્રીઓની યાદીમાં મુખ્યમંત્રી પદની રેસમાં રહેલા પ્રવેશ વર્મા અને આશિષ સૂદ ઉપરાંત મનજિંદર સિંહ સિરસા, કપિલ મિશ્રા, પંકજ સિંહ અને રવિન્દ્ર રાજના નામ સામેલ છે.
દિલ્હી સરકારમાં મંત્રી તરીકે શપથ લેવા જઈ રહેલા 6 નામોની યાદીમાં પહેલું નામ પ્રવેશ વર્માનું છે. દિલ્હીના પૂર્વ મુખ્યમંત્રી સાહિબ સિંહ વર્માના પુત્ર પ્રવેશ વર્મા દિલ્હીની ચૂંટણીમાં વિધાનસભામાં પહોંચેલા ભાજપના મોટા ચહેરાઓમાંથી એક છે.
તેઓ નવી દિલ્હી વિધાનસભા બેઠક પરથી આમ આદમી પાર્ટીના રાષ્ટ્રીય સંયોજક અને સીએમ ઉમેદવાર અરવિંદ કેજરીવાલને હરાવીને વિધાનસભા પહોંચ્યા છે. પ્રવેશને સીએમ માટે મજબૂત દાવેદાર કહેવામાં આવી રહ્યું હતું કારણ કે તે અરવિંદ કેજરીવાલને હરાવીને વિધાનસભામાં પહોંચ્યા હતા. હવે તેઓ રેખા ગુપ્તા કેબિનેટમાં મંત્રી બનવા જઈ રહ્યા છે.
આ પણ વાંચો: રેખા ગુપ્તા બનશે દિલ્હીના નવા CM, પ્રવેશ વર્મા ડે. સીએમ; આવતીકાલે લેશે શપથ
આ પણ વાંચો: સિદ્ધારમૈયાને મોટી રાહત, MUDA જમીન કૌભાંડ કેસમાં લોકાયુક્તે આપી ક્લીનચીટ
આ પણ વાંચો: કોણ બનશે દિલ્હીના સીએમ? આજે ભાજપ ધારાસભ્ય દળની બેઠકમાં થશે નિર્ણય, જાણો કોનું નામ છે સૌથી આગળ
