Gir Somnath News:ગીર સોમનાથ (Gir Somnath) જિલ્લાના વેરાવળ શહેરમાં લોકલ ક્રાઈમ બ્રાન્ચ (LCB) દ્વારા ગેરકાયદેસર દારૂ (Liquor) ના વેપાર સામે મોટી કાર્યવાહી હાથ ધરવામાં આવી છે. શહેરના કોલી વાડા વિસ્તારમાં બુટલેગરોના અડ્ડા પર એલસીબીએ ચોક્કસ માહિતીના આધારે દરોડા પાડ્યા, જેમાં દારૂનો મોટો જથ્થો જપ્ત કરવામાં આવ્યો છે. આ ઘટનાએ સ્થાનિક વિસ્તારમાં ખળભળાટ મચાવી દીધો છે, અને રેડની ખબર પડતાં જ મોટી સંખ્યામાં લોકો ઘટનાસ્થળે એકઠા થયા હતા.

એલસીબીને ગુપ્ત માહિતી મળી હતી કે વેરાવળના કોલી વાડા વિસ્તારમાં ગેરકાયદેસર રીતે દારૂનું વેચાણ થઈ રહ્યું છે. આ માહિતીના આધારે એલસીબીની ટીમે ઝડપી કાર્યવાહી કરી અને શુક્રવારે મોડી રાત્રે આ વિસ્તારમાં દરોડા પાડ્યા. દરોડા દરમિયાન પોલીસે બુટલેગરના અડ્ડા પરથી દેશી અને વિદેશી દારૂની બોટલોનો મોટો જથ્થો જપ્ત કર્યો. જપ્ત કરાયેલા દારૂની કિંમત લાખો રૂપિયામાં હોવાનું અનુમાન છે, જોકે હજુ સત્તાવાર આંકડા જાહેર કરવામાં આવ્યા નથી.

આ પણ વાંચો:ગીર સોમનાથ: સૂત્રાપાડાના હીરાકોટ બંદરે કન્ટેનર મળ્યું

આ પણ વાંચો:જુનાગઢ અને ગીર સોમનાથમાં ફરી ધરા ધ્રુજી,તાલાલા નજીક નોંધાયુ કેન્દ્ર બિંદુ

આ પણ વાંચો:ગીર સોમનાથમાં વેરાવળમાં પ્રેમીપંખીડાની આત્મહત્યા