Breaking News: સુરેન્દ્રનગર જિલ્લાના પાટડી તાલુકાના ખારાઘોડા ગામમાં સ્ટેશન પર એક યુવાનને ગોળી વાગી હતી. તેને પેટ અને જાંઘમાં 12 બોરની બંદૂકથી ગોળી વાગી હતી. તેને તાત્કાલિક પાટડી સરકારી હોસ્પિટલમાં લઈ જવામાં આવ્યો હતો, જ્યાં તેની ગંભીર હાલતને કારણે તેને વધુ સારવાર માટે વિરમગામની શિવ હોસ્પિટલ રિફર કરવામાં આવ્યો હતો.
યુવકે 12 બોરની બંદૂકથી ગોળીબાર કર્યો….
આ ઘટના ખારાઘોડા સ્ટેશન નજીક હોસ્પિટલ પાસે બની હતી. દેગામના એક વ્યક્તિએ જૂની અદાવતને કારણે ખારાઘોડાના રહેવાસી સલાભાઈ નામના યુવાન પર 12 બોરની બંદૂકથી ગોળીબાર કર્યો હતો અને પછી ભાગી ગયો હતો. સલાભાઈ ઘટનાસ્થળે જ ઢળી પડ્યા હતા.
યુવાનને સારવાર માટે વિરમગામ લઈ જવામાં આવ્યો.
ઘટનાની માહિતી મળતાં જ 108 એમ્બ્યુલન્સ વાન તાત્કાલિક ઘટનાસ્થળે પહોંચી ગઈ. 108 ઇએમટી અને પાયલોટે ગંભીર રીતે ઘાયલ યુવાનને પ્રાથમિક સારવાર આપી, જે ખૂબ લોહીલુહાણ હતો, તેને પાટડી સરકારી હોસ્પિટલમાં લઈ ગયા. ત્યાંથી ફરજ પરના ડૉક્ટરે તેને વિરમગામ સિવિલ હોસ્પિટલ રિફર કર્યો.
ભારે પોલીસ તૈનાત
ગોળીબારની ઘટના બાદ ખારાઘોડામાં ભારે પોલીસ બંદોબસ્ત ગોઠવી દેવામાં આવ્યો હતો. પાટડી પોલીસ ઇન્સ્પેક્ટર બી.સી. છત્રાલિયા સહિત પોલીસ દળ વિરમગામ સિવિલ હોસ્પિટલ પહોંચ્યા હતા અને વધુ તપાસ ચાલી રહી છે.
‘યુવકના શરીરમાં 35 થી વધુ ગોળીઓ વાગી હતી’
આ અંગે હોસ્પિટલના ડૉક્ટરોએ જણાવ્યું હતું કે યુવાનની પીઠમાં ૩૫ થી વધુ ગોળીઓ વાગી હતી, તેથી સર્જરીમાં લગભગ ચાર કલાક લાગશે. ગંભીર રીતે ઘાયલ યુવાનના નિવેદનના આધારે પોલીસે ગુનો નોંધ્યો છે અને વધુ તપાસ હાથ ધરી છે. આ ફાયરિંગની ઘટના બાદ સમગ્ર પાટડી વિસ્તારમાં ખળભળાટ મચી ગયો છે.
આ પણ વાંચો:લીંબડીમાં બે ભાઈઓએ એક જ યુવક પર કર્યું ફાયરીંગ, દુષ્કર્મ સાથે જોડાયેલો છે મામલો
આ પણ વાંચો:નવસારીમાં બિશ્નોઈ ગેંગનું SMC પર ફાયરિંગ, 4 આરોપીઓની કરાઈ ધરપકડ
આ પણ વાંચો:અમદાવાદમાં સિક્યુરિટી ગાર્ડે કરી ફાયરિંગ, પોલીસે કરી ધરપકડ
