કેન્દ્રીય એજન્સીઓના સહકારથી સ્પેશિયલ સેલે હરસિમરન ઉર્ફે બાદલ ઉર્ફે સિમરન નામના ગેંગસ્ટરને પકડી પાડ્યો છે. આરોપી, ગોલ્ડી ધિલ્લોન સાથે મળી આંતરરાષ્ટ્રીય ગુન્હીત નેટવર્ક ઉભું કરીને અમેરિકા અને યુરોપમાંથી ગેરકાયદેસર પ્રવૃત્તિઓ ચલાવવાની તૈયારી કરી રહ્યો હતો. તેના સામે ખંડણી વસૂલાત, હત્યા, હત્યાનો પ્રયાસ અને આર્મ્સ એક્ટ સહિતના અનેક ગંભીર ગુનો નોંધાયેલા છે.

સ્પેશિયલ સેલે

સ્પેશિયલ સેલનું કહેવું છે કે હરસિમરન પહેલા પણ અનેક વખત યુરોપ અને યુનાઇટેડ સ્ટેટ્સ જવાનો પ્રયાસ કરી ચૂક્યો છે, પરંતુ પકડાઇ જતા દેશમાંથી બહાર કાઢવામાં આવ્યો હતો. તાજેતરમાં તેણે બેંગકોકથી દુબઈ, ત્યારબાદ દુબઈથી અઝરબૈજાન પસાર કરી, પછી રશિયા અને બેલારુસની સરહદો વટાવી યુરોપ અને યુનાઇટેડ સ્ટેટ્સ પહોંચી જવાની યોજના બનાવી હતી. અંતે, તે બેંગકોકમાં જ પકડાઈ ગયો. સ્પેશિયલ સેલ હાલમાં આરોપીની પૂછપરછ કરી રહ્યા છે, જેથી તેના નેટવર્કમાં બીજાં કોણ જોડાયેલા છે તે જાણી શકાય.

આરોપી હરસિમરન વિરુદ્ધ પહેલાથી જ 23 કેસ નોંધાયેલા છે.

ડીસીપી અમિત કૌશિકના જણાવ્યા અનુસાર, નવેમ્બર 2024 માં, સ્પેશિયલ સેલે મહેન્દ્ર સિંહ ઉર્ફે સતેન્દ્ર સિંહને હથિયારો સાથે ધરપકડ કરી હતી. આરોપી મહેન્દ્ર સિંહ દિલ્હીમાં એક હત્યા કેસમાં ફરાર હતો. સ્પેશિયલ સેલે તેની સામે આર્મ્સ એક્ટ હેઠળ કેસ નોંધ્યો હતો. આરોપી મહેન્દ્ર સિંહે પોલીસને જણાવ્યું હતું કે તેણે ગેંગસ્ટર હરસિમરન ઉર્ફે બાદલ ઉર્ફે સિમરન ઉર્ફે કાલે પાસેથી હથિયારો અને દારૂગોળો મેળવ્યો હતો. આરોપી હરસિમરન વિરુદ્ધ પહેલાથી જ 23 કેસ નોંધાયેલા છે. જામીન પર મુક્ત થયા પછી, તે ટ્રાયલ કોર્ટમાં હાજર થયો ન હતો. પોલીસ તેની શોધ કરી રહી હતી.

આ પણ વાંચો:ગોંડલમાં પતિને મળવા આવેલી પ્રેમિકાની હત્યા : હત્યા બાદ પત્નીની પોલીસ સામે શરણાગતિ

આ પણ વાંચો: રાજસ્થાનમાં સિક્કિમની છોકરી સાથે પ્રેમ, 24 કલાકમાં આંધળી હત્યાનું રહસ્ય ઉકેલ્યું

આ પણ વાંચો: બપોરના ભોજનમાં પીરસેલા મશરૂમથી સાસુ અને સસરા સહિત 3 લોકોના મોત નિપજ્યાં, 33 વર્ષથી જેલમાં !