લોકસભા સ્પીકર ઓમ બિરલા આજથી એક મોટી પહેલ શરૂ કરવા જઈ રહ્યા છે. વાસ્તવમાં, ઓમ બિરલાની આ પહેલ દિલ્હીમાં સારવાર લઈ રહેલા દર્દીઓ અને તેમના સંબંધીઓ માટે શરૂ કરવામાં આવશે. આ પહેલ હેઠળ, દર્દીઓના પરિચારકોને દિલ્હીની છ હોસ્પિટલોમાં મફત ભોજન મળશે. સ્પીકર સોમવારે તેમના નવી દિલ્હીના નિવાસસ્થાનથી પ્રસાદમ રથને લીલી ઝંડી આપશે.
આ પણ વાંચો:દેશમાં છેલ્લા 24 કલાકમાં કોરોનાનાં 1,549 નવા કેસ, ગઈકાલ કરતાં 12% ઓછા
આ પ્રસાદમ રથમાં ભોજન રાંધવા અને ગરમ કરવાની સુવિધા છે. આ પ્રસાદમ રથ હવે શહેરની રામ મનોહર લોહિયા હોસ્પિટલ, સફદરજંગ હોસ્પિટલ, લેડી હાર્ડિન્જ હોસ્પિટલ સહિત છ હોસ્પિટલોમાં દર્દીઓને ગરમ, સ્વચ્છ અને પૌષ્ટિક ખોરાક આપશે. મળતી માહિતી મુજબ, આ પ્રસાદમ રથ ખુદ ઓમ બિરલાએ ઉપલબ્ધ કરાવ્યો છે.
અત્યાર સુધી ચાર હોસ્પિટલોમાં 1000 દર્દીઓના પરિવારજનોને પેકેટ દ્વારા ભોજન પૂરું પાડવામાં આવતું હતું. પરંતુ હવે લોકસભા અધ્યક્ષની પહેલ પર આ યોજનાનો વિસ્તાર કરતા પ્રસાદમ રથ તૈયાર કરવામાં આવ્યા છે. ઓમ બિરલા સોમવારે સવારે 9.30 વાગ્યે તેમના દિલ્હીના નિવાસસ્થાને આ સુવિધા શરૂ કરાવી છે. આ સેવા ટૂંક સમયમાં દિલ્હીની અન્ય હોસ્પિટલોમાં પણ વિસ્તારવામાં આવશે.
આ પણ વાંચો: ભરૂચમાં મકાન ધરાશાયી થતાં ત્રણ બાળકના કરૂણ મોત, માતા-પિતા સારવાર હેઠળ
આ પણ વાંચો:ઢાકાના ઈસ્કોન મંદિર પર હુમલા અંગે બાંગ્લાદેશ સરકારે કહ્યું- દોષિતો સામે કડક થશે કાર્યવાહી
