લોકસભા ચૂંટણીના સાત તબક્કાના લાંબા સમય બાદ હવે લોકોની નજર તેના પરિણામો પર ટકેલી છે. મંગળવારે સવારે 8 વાગ્યાથી દેશના તમામ રાજ્યો અને કેન્દ્રશાસિત પ્રદેશોમાં ભારે સુરક્ષા વચ્ચે મતગણતરી ચાલી રહી છે અને તેના વલણો/પરિણામો આવવાનું શરૂ થઈ ગયું છે. લોકસભામાં 543 બેઠકો છે, પરંતુ ભારતીય જનતા પાર્ટી (ભાજપના) મુકેશ દલાલ સુરત, ગુજરાતમાં બિનહરીફ ચૂંટાયા હોવાથી, માત્ર 542 બેઠકો માટે મતોની ગણતરી કરવામાં આવી રહી છે.

તાજેતરના વલણોમાં, NDAએ INDIA ગઠબંધન કરતાં આગળ જણાય છે. આ સાથે ચૂંટણી પંચે પણ પરિણામ જાહેર કરવાનું શરૂ કરી દીધું છે. ચૂંટણી પંચના આંકડા મુજબ કયો ઉમેદવાર કઈ બેઠક પર આગળ ચાલી રહ્યો છે અથવા કોણ જીત્યું છે. અમે તેની સંપૂર્ણ વિગતો અહીં આપી રહ્યા છીએ.

લોકસભા ચૂંટણીની મતગણતરી ચાલુ છે. વડાપ્રધાન નરેન્દ્ર મોદીનું ‘અબકી બાર 400 પાર’નું સૂત્ર નિષ્ફળ ગયું છે. માત્ર સારી વાત એ છે કે 20 વર્ષ પછી બીજેપી અને એનડીએ ‘ફીલ ગુડ’ અને ‘ઇન્ડિયા શાઇનિંગ’ ક્ષણનું પુનરાવર્તન કરતા બચી ગયા. વલણો અનુસાર, એનડીએને બહુમતી મળતી દેખાઈ રહી છે પરંતુ ભાજપ 272ના જાદુઈ આંકડાથી ઓછામાં ઓછા 30-35 વોટ પાછળ છે.

આ વખતની લોકસભા ચૂંટણી ભાજપ અને કોંગ્રેસ માટે બહુ મહત્વની રહી. ભાજપને અપેક્ષા કરતાં ઓછી બેઠકો મળવાને લઈને હવે ચર્ચા વિચારણાનો દોર શરૂ થયો છે. આ ત્યારે છે જ્યારે અયોધ્યામાં ભવ્ય રામ મંદિર બનાવવાનો ભાજપનો એજન્ડા પૂર્ણ થઈ ગયો છે. જ્યારે કલમ 370 હેઠળ જમ્મુ-કાશ્મીરને આપવામાં આવેલ વિશેષ દરજ્જો નાબૂદ કરવાનો ભાજપનો વાયદો પૂરો થયો છે. જો આ વલણો પરિણામોમાં પરિવર્તિત થાય છે, તો વડા પ્રધાન નરેન્દ્ર મોદી પ્રથમ વડા પ્રધાન જવાહરલાલ નેહરુ પછી સતત ત્રીજી વખત સત્તામાં આવવાનો ચમત્કાર કરી શકે છે, પરંતુ ગઠબંધનની ચુસ્તી વિના આ શક્ય નથી. જો સંપૂર્ણ બહુમતી ગુમાવ્યા પછી ભાજપ ગઠબંધન હેઠળ ત્રીજી વખત સરકાર બનાવે છે, તો તેણે JDU વડા નીતીશ કુમાર અને TDP વડા ચંદ્રાબાબુ નાયડુની દયા પર રહેવું પડશે. ગઠબંધનમાં વારંવાર બદલાવને કારણે ‘પલ્ટુ ચાચા’ના નામથી કુખ્યાત બનેલી નીતિશની પાર્ટી એનડીએ નહીં છોડે એવો આગ્રહ કરી રહી છે પરંતુ તેમના સંબંધમાં ચર્ચાઓ શરૂ થઈ ગઈ છે. ઈન્ડિયા એલાયન્સ દ્વારા નીતિશ કુમારને ડેપ્યુટી પીએમ પદની ઓફર કરવાની પણ ચર્ચા ચાલી રહી છે. જયારે નાયડુને પણ રીઝવવાના પ્રયાસો પણ ચાલુ છે. હવે જોવાનું રહેશે કે આ બંને નેતા કયા પક્ષ પર પસંદગી ઉતારશે.

આ પણ વાંચો: આઝમગઢમાં ભાજપના નિરહુઆ દિનેશ લાલ યાદવ અટક્યા, સપાના ધર્મેન્દ્ર યાદવ 9 હજાર મતોની લીડ પર

આ પણ વાંચો: યોગેન્દ્ર યાદવની ભવિષ્યવાણી લગભગ સાચી! વલણોમાં NDA અને I.N.D.I.A.ની શું છે સ્થિતિ?

આ પણ વાંચો: વારાણસી સીટ પર પીએમ મોદી પાછળ, તો કોંગ્રેસે કહ્યું- આ ટ્રેલર છે