- મહેસાણાની મર્ચન્ટ એન્જિનિયરિંગ કોલેજ બાસણા ખાતે મતગણતરી સવારે આઠ વાગ્યાથી શરૂ થશે
- દરેક વિધાનસભા દીઠ 14 ટેબલ ગોઠવી મતગણતરી કરવામાં આવશે
- દરેક બેઠક દીઠ એક માઇક્રો ઓબ્ઝર્વર, એક કાઉન્ટિંગ આસિસ્ટન્ટ એક-એક સુપરવાઇઝર હશે
- મહેસાણા જિલ્લાના કુલ 1869 મતદાન મથકોના મતોની ગણતરી થશે
- મહેસાણા જિલ્લામાં સાત વિધાનસભા બેઠકની મતગણતરીને અપાય અંતિમ ઓપ
Gujarat election 2022માં જિલ્લા ચૂંટણીતંત્રએ મહેસાણા જિલ્લાની સાતેય વિધાનસભા બેઠકોની મતગણતરીની તૈયારીઓને અંતિમ ઓપ આપ્યો છે. ગુજરાત વિધાનસભાની બે તબક્કામાં પૂરી થયેલી વિધાનસભા ચૂંટણી માટે આવતીકાલે આઠમી ડિસેમ્બરે મહેસાણાની મર્ચન્ટ એન્જિનિયરિંગ કોલેજ બાસણા ખાતે મતગણતરી હાથ ધરવામાં આવનાર છે.
મહેસાણામાં સાત વિધાનસભા બેઠક આવતી હોઈ દરેક વિધાનસભા દીઠ 14 ટેબલ ગોઠવીને મતગણતરી કરવામાં આવનાર છે. તેમા એક માઇક્રો ઓબ્ઝર્વર, એક કાઉન્ટિંગ આસિસ્ટન્ટ, એક-એક સુપરવાઇઝર સહિતનો સ્ટાફ પણ મતગણતરીના કાર્યમાં જોડાશે. સૌપ્રથમ બેલેટ પેપરની મતગણતરી કરવામાં આવશે.
પોલીસ તેમજ સુરક્ષા એજન્સીઓ દ્વારા કડક બંદોબસ્ત ગોઠવાયો છે. તેમજ કોલેજ બહાર પાર્કિંગ સહિતની વ્યવસ્થાઓ કરવામાં આવી છે. મતગણતરીને લઈને જિલ્લા ચૂંટણી તંત્રએ જિલ્લા કલેકટર ઉદિત અગ્રવાલના માર્ગદર્શન હેઠળ ચૂંટણી પંચના નિયમ મુજબ પૂર્વ તૈયારીઓ પૂર્ણ કરવામાં આવી છે. મતગણતરી સવારે 8 કલાકથી શરૂ થશે. મત ગણતરી સેન્ટર ખાતે પોલીસ વિભાગ દ્વારા કડક બંદોબસ્ત રાખવામાં આવ્યો છે
મહેસાણા જિલ્લા કલેકટર ઉદિત અગ્રવાલે મતગણતરી કેન્દ્રનું નિરીક્ષણ કરી આવશ્યક માર્ગદર્શન પૂરું પાડ્યું હતું. તેમજ સી.સી.ટી.વી. કેમેરા અને એલ.ઈ.ડી. સ્ક્રીનની વ્યવસ્થા, અધિકારીઓ અને રાજકીય પક્ષોના ઉમેદવારોની બેઠક વ્યવસ્થા, કંટ્રોલ રૂમ, મીડીયા રૂમ સહિતની કામગીરીની સર્વગ્રાહી સમીક્ષા કરી હતી.
આ ઉપરાંત મતગણતરી કેન્દ્ર ખાતે તૈનાત પોલીસ સ્ટાફ અને મિલિટ્રી જવાનોને મળી ત્રિસ્તરીય સુરક્ષા વ્યવસ્થા અંગે ચકાસણી કરી હતી. અત્રે ઉલ્લેખનીય છેકે 20- ખેરાલુમાં 270 મતદાન મથકો,21 ઊંઝા માં 246 મતદાન મથકો,22 વિસનગરમાં 238 મતદાન મથકો,23 બેચરાજીમાં 285 મતદાન મથકો,24 કડીમાં 307 મતદાન મથકો,25 મહેસાણામાં 275 મતદાન મથકો,26 વિજાપુરમાં 248 મતદાન મથકો સહિત કુલ 1869 મતદાન મથકો આવેલા છે.
આ પણ વાંચોઃ