કોંગ્રેસની પૂર્વ અધ્યક્ષ સોનિયા ગાંધીનો ખેડૂત મહિલાઓ સાથે ડાન્સ કરવાનો વીડિયો સોશિયલ મીડિયા પર વાયરલ થઈ રહ્યો છે. આ ખેડૂત મહિલાઓ સોનિયા ગાંધીના આમંત્રણ પર સોનિયા અને પ્રિયંકાને મળવા હરિયાણાથી અહીં પહોંચી હતી. ઉલ્લેખનીય છે કે, 8 જુલાઈના રોજ રાહુલ ગાંધી હરિયાણાના સોનીપતના મદીના ગામ પહોંચ્યા હતા. આ દરમિયાન તેઓ ખેડૂતો તેમજ ખેતરોમાં કામ કરતી મહિલાઓને મળ્યા હતા. ત્યારે જ આ ખેડૂત મહિલાઓએ દિલ્હી અને રાહુલ ગાંધીનું ઘર જોવાની ઈચ્છા વ્યક્ત કરી હતી. ત્યારે કોંગ્રેસના નેતાએ સંસદમાંથી તેમની ગેરલાયકાતનો ઉલ્લેખ કરીને કહ્યું હતું કે સરકારે તેમનું ઘર છીનવી લીધું છે
Women farmers from Haryana had expressed their desire to @RahulGandhi to see Delhi and his house. He told them that the Govt has taken away his house.
But just see what happened next.
This video is pure joy! ❤️ pic.twitter.com/1cqAeSW5xg
— Ruchira Chaturvedi (@RuchiraC) July 16, 2023
દિલ્હી પણ બોલાવ્યા હતા
મળતી માહિતી મુજબ, આ પછી સોનિયા ગાંધીએ આ ખેડૂત મહિલાઓને ન માત્ર દિલ્હી બોલાવી, પરંતુ તેમના માટે પરિવહનની વ્યવસ્થા પણ કરી. કોંગ્રેસ કાર્યકર રૂચિરા ત્રિવેદીએ રવિવારે ટ્વિટર પર તેનો વીડિયો શેર કર્યો હતો. આમાં ખેડૂત મહિલાઓ સોનિયા ગાંધીને મળતી, તેમના ઘરે ભોજન કરતી અને તેમની સાથે ડાન્સ કરતી જોવા મળે છે. આ દરમિયાન મહિલાઓ પ્રિયંકા ગાંધીને પણ મળી હતી. સાથે જ આ પ્રસંગે રાહુલ ગાંધી પણ જોવા મળી રહ્યા છે.
રાહુલ ગાંધીએ પણ આ વીડિયો શેર કર્યો છે
આજે સવારે કોંગ્રેસના નેતા રાહુલ ગાંધીએ કહ્યું કે ખેડૂતો ભારતની તાકાત છે. તેમણે એમ પણ કહ્યું કે જો આપણે ખેડૂતોની વાત સાંભળવા તૈયાર હોઈએ તો દેશની વિવિધ સમસ્યાઓ હલ થઈ શકે છે. રાહુલ ગાંધીએ પોતે ડાંગરના ખેતરમાં ટ્રેક્ટર ચલાવતા, ડાંગર રોપતા અને પછી ખેડૂતો સાથે ખાટલા પર બેસીને ભોજન કરતા હોવાનો તેમનો વીડિયો શેર કર્યો હતો. વીડિયો શેર કરતા રાહુલ ગાંધીએ ટ્વિટર પર લખ્યું કે તેઓ હરિયાણાના સોનીપતમાં બે ખેડૂતો સંજય મલિક અને તસ્બીર કુમારને મળ્યા. બંને બાળપણના મિત્રો છે અને ઘણા વર્ષોથી સાથે ખેતી કરે છે.
