જીવલેણ કોરોના વાયરસની ઝપેટમાં હવે અભિનેતા સોનુ સૂદ આવ્યો છે, જે કોરોના યુગમાં જરૂરિયાતમંદો માટે મસીહા તરીકે ઉભરી આવ્યો છે. સોનુએ ટ્વિટ કરીને ચાહકોને માહિતી આપી છે કે તેને કોરોના થયો છે. તેણે જણાવ્યું છે કે તેણે બધી સાવચેતી રાખીને, પોતાને ક્વોરૅન્ટીન કરી દીધો છે.
સોનુ સૂદે એક ટ્વિટમાં લખ્યું છે કે, “હું દરેકને કહેવા માંગુ છું કે આજે સવારે મારો કોવિડ ટેસ્ટ પોઝિટિવ આવ્યો છે. મેં મારી જાતને ક્વોરૅન્ટીન કરી દીધી છે અને હું મારી સંભાળ રાખી રહ્યો છું. પરંતુ ચિંતા કરશો નહીં, આ તમને મદદ કરવા માટે મને વધુ સમય આપ્યો છે. યાદ રાખો, હું હંમેશાં તમારી સાથે છું.
આ પણ વાંચો :કુંભમેળામાં ઉમટી રહેલી ભીડને આ કલાકારોએ આઘાતજનક ગણાવી, જેમાંથી એકને મળી ધમકી
— sonu sood (@SonuSood) April 17, 2021
આ વિશે માહિતી આપતાં સોનુએ તેના સંદેશની શરૂઆતમાં લખ્યું હતું કે, “કોવિડ-પોઝિટિવ. મૂડ અને જુસ્સો – સુપર પોઝિટિવ. ”તે સ્પષ્ટ છે કે આજે પણ સોનુ સૂદ લોકોની મદદ કરવા માટે તૈયાર છે અને હાર માની રહ્યો નથી. આ તેમના ચાહકો અને અન્ય દેશવાસીઓ માટે પ્રેરણા છે.
આ પણ વાંચો :ફેશન ડિઝાઇનર મનીષ મલ્હોત્રાને થયો કોરોના, સોશિયલ મીડિયા પર આપી માહિતી
આપને જણાવી દઈએ કે, સોનૂ સૂદે વર્ષ 2020 માં કોરોના લોકડાઉન દરમિયાન મજૂરોની મદદ કરીને બધાના દિલ જીતી લીધા હતા. ત્યારબાદ સોનુ સૂદે અત્યાર સુધી અસંખ્ય લોકોને મદદ કરી છે. લોકોની સારવાર કરવામાં, વિદેશથી ભારત પરત લાવવા, ભારતથી સ્વદેશ પરત મોકલવા અનેક બાબતોમાં તેમણે લોકોને મદદ કરી છે. એટલું જ નહીં, આ દરમિયાન તેણે પોતાના અનુભવ પર એક પુસ્તક પણ લખ્યું છે.
આ પણ વાંચો : અભિનેતા વિવેકનું થયું નિધન, છાતીમાં દુખાવો થતાં હોસ્પિટલમાં કરાયા હતા દાખલ
