તમારા કાયમી એકાઉન્ટ નંબર (પાન) ને આધાર કાર્ડ સાથે જોડવાની તારીખ 30 સપ્ટેમ્બરના રોજ સમાપ્ત થાય છે. નાણા મંત્રાલયે આ વર્ષની શરૂઆતમાં જારી કરેલી સૂચના મુજબ, પાનને આધાર સાથે જોડવાની છેલ્લી તારીખ 30 સપ્ટેમ્બર છે. ભૂતકાળમાં સરકારે ઘણી વખત તેની સમયમર્યાદા લંબાવી છે. જોડાવાની પ્રક્રિયા પૂર્ણ કરવા માટેનો આ છેલ્લો મોકો હોઇ શકે છે.
તમે તમારા 12 અંકની યુઆઈડીએઆઈ દ્વારા જારી કરાયેલ આધાર નંબરને તમારા 10 અંકના આલ્ફાન્યુમેરિક પાન સાથે સરળતાથી આવકવેરા વિભાગની ઇ-ફાઇલિંગ વેબસાઇટ પર લિંક કરી શકો છો. તમે પોર્ટલ પર આધાર-પાન લિંક કરવાની સ્થિતિ પણ ચકાસી શકો છો. નવા પાનકાર્ડ માટે તમારો આધાર નંબર ટાંકવો ફરજિયાત છે. આવકવેરા રીટર્ન (આઈટીઆર) ફાઇલ કરતી વખતે તમારા પાનને આધાર સાથે જોડવું ફરજિયાત પણ છે.
જો તમે પાન-આધારને લિંક ન કરો તો શું થાય છે?
આધારને પાન સાથે ન જોડવાના પરિણામે, ફાઇનાન્સ બિલ 2019 માં લખાયા પ્રમાણે આવકવેરા અધિનિયમની કલમ 139 AA ની પેટા કલમ (2) એ અગાઉ જણાવ્યું હતું કે જો પાન આધાર સાથે જોડાયેલ નથી, તો પાન અમાન્ય થઈ જશે. જો કે, નાણાં બિલમાં આ મહિનાથી અસરકારક જોગવાઈમાં સુધારો કરવામાં આવ્યો છે. નવા નિયમો અનુસાર આવા તમામ પાનકાર્ડને નિષ્ક્રિય કરવામાં આવશે. આનો અર્થ એ કે આવા પાન કાર્ડ ઉપયોગમાં લેવાશે નહીં.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
