બ્રિટિશ વડા પ્રધાન બોરિસ જોનસને સોમવારે દેશમાં કોરોનાવાયરસનાં ઓમિક્રોન વેરિઅન્ટથી પ્રથમ મૃત્યુની પુષ્ટિ કરી હતી. દરમિયાન, બ્રિટનમાં વોક-ઇન રસીકરણ કેન્દ્રોની બહાર લાંબી કતારો જોવા મળી હતી, જ્યાં લોકો રસીનાં બૂસ્ટર ડોઝ મેળવવાની રાહ જોતા જોવા મળ્યા હતા. પશ્ચિમ લંડનમાં વેક્સિન ક્લિનિકની મુલાકાત વખતે, જોનસને ઓમિક્રોન વેરિઅન્ટ ઓછા ગંભીર હોવાથી સંતુષ્ટિની લાગણી સામે ચેતવણી આપી હતી, અને ઓમિક્રોનનાં કાઉન્ટરમેઝર્સનાં ભાગ રૂપે વધુ કોઈ નિયંત્રણો લાદવામાં નહીં આવે તેવી શક્યતાને નકારી કાઢી હતી.
આ પણ વાંચો – કાશી વિશ્વનાથ ધામ / જયા બચ્ચને વિસ્થાપિતોના વળતરની કરી માંગ તો પ્રિયંકા ગાંધીએ પણ યોગી સરકારને ઘેરી
આપને જણાવી દઇએ કે, બ્રિટેનમાં ઓમિક્રોનથી પ્રથમ મોત બાદ દુનિયા એકવાર ફરી ચિંતામાં મુકાઇ ગઇ છે. આ સાથે ઓમિક્રોનની હળવાશનો અંદાજ લગાવી રહેલા ડોકટરો અને વૈજ્ઞાનિકોની પણ ઉંઘ ઉડી ગઈ છે. ઓમિક્રોનથી મોતનાં સમાચારને કારણે ભારત સહિત વિશ્વનાં ઘણા દેશો એલર્ટ પર આવી ગયા છે. વળી, વિશ્વ આરોગ્ય સંસ્થા (WHO) એ ઓમિક્રોનને લઈને ચેતવણી જાહેર કરી છે. WHOએ કહ્યું છે કે, 9 ડિસેમ્બર સુધીમાં, Omicron એ 63 દેશોને ઘેરી લીધા છે. આ સાથે, તે દક્ષિણ આફ્રિકામાં ઝડપથી ફેલાતા વેરિઅન્ટ તરીકે જોવામાં આવ્યું છે. જ્યારે અહીં ડેલ્ટાની અસર બહુ ઓછી જોવા મળી હતી. WHO એ કહ્યું કે, ઓમિક્રોન સંક્રમણ સામે કોરોના રસીની અસરકારકતા ઘટાડે છે. જ્યારે વર્તમાન ડેટા સૂચવે છે કે ઓમિક્રોન વેરિઅન્ટ કોમ્યુનિટી ટ્રાન્સમિશનનાં સંદર્ભમાં ડેલ્ટાને પાછળ છોડી શકે છે. WHOએ કહ્યું કે, નવા વેરિઅન્ટથી શરૂઆતનાં તબક્કામાં ગંભીર લક્ષણો જોવા મળતા નથી, પરંતુ તેના પરિણામો ભયાનક હોઈ શકે છે. આપને જણાવી દઈએ કે Omicron સમગ્ર વિશ્વ માટે એક મોટું ટેન્શન બની રહ્યું છે. જો આપણે ભારતની વાત કરીએ તો અહીં ઓમિક્રોનનાં 40 કેસ નોંધાઇ ચુક્યા છે. ભારતનાં મહારાષ્ટ્ર રાજ્યમાં, ઓમિક્રોનનાં હવે સૌથી વધુ 20 કેસ છે.
આ પણ વાંચો – મુંબઈ / અંડરગ્રાઉન્ડ સેલરમાં 17છોકરીઓને ઠુંસી-ઠુંસીને ભરવામાં આવી હતી, આવી રીતે ઝડપાઇ
ડોકટર્સનાં જણાવ્યા અનુસાર, ઓમિક્રોન એટલી બધી વખત મ્યુટેટ થઈ ગયો છે કે શરીરની રોગપ્રતિકારક શક્તિ તેને ઓળખી શકતી નથી, જેનો ફાયદો ઉઠાવીને તે શરીરમાં પ્રવેશ કરે છે. ડોકટરોનાં મતે, ડેટા સહિત કોરોના વાયરસનાં અન્ય વેરિઅન્ટની તુલનામાં ઓમિક્રોનને ઓળખવું થોડું મુશ્કેલ છે. આનું કારણ વારંવાર નવા વેરિઅન્ટ્સમાં પરિવર્તન કરવાનું છે. જ્યારે કોરોનાનાં અન્ય વેરિઅન્ટ માત્ર RTPCR ટેસ્ટમાં જ ક્લિયર થાય છે. ઓમિક્રોનને ઓળખવા માટે, RTPCR ટેસ્ટ જીનોમ સિક્વન્સિંગ માટે લેબમાં મોકલવામાં આવે છે, જેમાં તેનું RNA અલગ કરવામાં આવે છે. ઓમિક્રોનને શોધવાની પ્રક્રિયા RNA નાં આધારે અપનાવવામાં આવે છે.
