ટોક્યો ઓલિમ્પિકમાં બ્રોન્ઝ મેડલ વિજેતા કુસ્તીબાજ બજરંગ પુનિયા ઘૂંટણની ઈજાને કારણે વર્લ્ડ રેસલિંગ ચેમ્પિયનશિપમાંથી બહાર થઈ ગયા છે. ઉલ્લેખનીય છે કે ટોક્યો ઓલિમ્પિક પહેલા બજરંગને રશિયામાં જમણા ઘૂંટણમાં ઈજા થઈ હતી. તેમની સારવાર માટે તેમને છ અઠવાડિયા સુધી આરામની સલાહ આપવામાં આવી છે. ઈજાની ગંભીરતા જાણવા માટે બજરંગે તાજેતરમાં એમઆરઆઈ કરાવ્યું હતું અને મુંબઈની કોકિલાબેન ધીરુભાઈ અંબાણી હોસ્પિટલમાં સ્પોર્ટ્સ મેડિસિન સેન્ટરના વડા ડો દિનશા પારડીવાલાની સલાહ લીધી હતી.
બજરંગે કહ્યું કે ‘મને લિગામેન્ટમાં ઈજા થઇ છે અને ડો. દિનશાએ મને છ સપ્તાહના પુનવર્સન માંથી પસાર થવાનું કહ્યું છે. હું વર્લ્ડ ચેમ્પિયનશિપમાં ભાગ લઈ શકીશ નહીં. “આ વર્ષે વિશ્વ ચેમ્પિયનશિપની એકમાત્ર મુખ્ય ઇવેન્ટ બાકી છે. હું મારી જાતને આ વર્ષે અન્ય કોઇ ટુર્નામેન્ટમાં ભાગ લઇ શકીશ નહી . 2 થી 10 ઓક્ટોબર દરમિયાન નોર્વેના ઓસ્લોમાં વર્લ્ડ ચેમ્પિયનશિપ યોજાશે અને પુનર્વસન કાર્યક્રમ પૂર્ણ ન થાય ત્યાં સુધી બજરંગ તાલીમ શરૂ કરી શકશે નહીં.
જૂન મહિનામાં ટોક્યો ઓલિમ્પિક પહેલા રશિયામાં અલી અલીયેવ ટુર્નામેન્ટમાં રમતી વખતે બજરંગને ઈજા થઈ હતી. બજરંગે તે ટુર્નામેન્ટમાં અબ્દુલમજીદ કુડીયેવ સામેની સેમીફાઇનલ મેચમાંથી ખસી જવું પડ્યું જ્યારે મેચના પ્રથમ રાઉન્ડમાં તેનો જમણો પગ વિરોધીએ ખેંચી લીધો હતો. લેગ ડ્રેગને કારણે બજરંગના જમણા ઘૂંટણને અસર થઈ હતી અને તે પડી જતાં તરત જ મેચમાંથી ખસી ગયો હતો.તે છંતા ટોક્યો ઓલિમ્પિકમાં ભાગ લીધો અને 65 કિલોગ્રામ વર્ગમાં બ્રોન્ઝ મેડલ જીત્યો. બજરંગે કહ્યું, ‘તે મારી પ્રથમ ઓલિમ્પિક હતી અને મેં ઓલિમ્પિક મેડલ જીતવાનું સપનું જોયું હતું, ટોક્યોમાં હું પીડા છતાં રમ્યો હતો. મારે તે કરવું હતું. ‘
