દિલ્હી G-20 સમિટ માટે સંપૂર્ણ રીતે તૈયાર છે. થોડા દિવસો પછી વિશ્વના શક્તિશાળી અને પ્રભાવશાળી દેશોના વડાઓ ભારતની ધરતી પર ઉતરશે. G20 સમિટ 9-10 સપ્ટેમ્બરના રોજ પ્રગતિ મેદાન ખાતે નવનિર્મિત આંતરરાષ્ટ્રીય સંમેલન અને પ્રદર્શન કેન્દ્ર ભારત મંડપમ ખાતે યોજાવાની છે. પરંતુ દિલ્હી પોલીસે રાજધાની દિલ્હીમાં G-20 કોન્ફરન્સ દરમિયાન શું બંધ રહેશે અને શું ખુલ્લું રહેશે તેની માહિતી આપી છે.
દિલ્હી પોલીસે સોમવારે જણાવ્યું હતું કે G20 સમિટ દરમિયાન નવી દિલ્હી જિલ્લામાં દવાઓ સિવાયની તમામ ઑનલાઇન ડિલિવરી સેવાઓ પર પ્રતિબંધ મૂકવામાં આવશે. સ્પેશિયલ પોલીસ કમિશનર (ટ્રાફિક) એસએસ યાદવે જણાવ્યું હતું કે G20લઈને 25 ઓગસ્ટે પોલીસ દ્વારા જારી કરાયેલ એડવાઈઝરીમાં કોઈ ફેરફાર કરવામાં આવ્યો નથી. પોસ્ટલ અને તબીબી સેવાઓ જેવી આવશ્યક સેવાઓ, તબીબી તપાસ માટે નમૂના લેવા નવી દિલ્હીમાં મંજૂરી આપવામાં આવશે. જિલ્લામાં વ્યાપારી પ્રવૃત્તિઓને મંજૂરી આપવામાં આવશે નહીં. ઓનલાઈન ડિલિવરી સેવાઓ બંધ રહેશે પરંતુ દવાઓની ડિલિવરી થઈ શકશે. યાદવે વધુમાં કહ્યું કે, આવશ્યક સેવાઓ માટે આપવામાં આવેલી માન્ય પરવાનગીઓનું સન્માન કરવામાં આવશે.
મેટ્રો બંધ રહેશે કે ખુલ્લી?
સ્પેશિયલ કમિશનરે કહ્યું કે, સુપ્રીમ કોર્ટ સ્ટેશન સિવાય મેટ્રો સેવાઓને કોઈ અસર થશે નહીં. વીઆઈપી મૂવમેન્ટ અને સુરક્ષા પ્રતિબંધને કારણે સ્ટેશનો પરના દરવાજા 10-15 મિનિટ માટે બંધ થઈ શકે છે. પરંતુ સુપ્રીમ કોર્ટ મેટ્રો સ્ટેશન સિવાય અન્ય સ્ટેશનો પર મેટ્રો સેવાઓને અસર થશે નહીં. જે લોકોએ નવી દિલ્હી જિલ્લામાં હોટલ બુક કરાવી છે અને એરપોર્ટ અથવા રેલ્વે સ્ટેશનથી આવતા-જતા હોય તેમને મુસાફરી કરવાની મંજૂરી આપવામાં આવશે. જો કે, માંગણી પર, તેઓએ તેમની ટિકિટ, બુકિંગની માહિતી અને અન્ય જરૂરી દસ્તાવેજો બતાવવાના રહેશે. સુરક્ષા પ્રતિબંધને કારણે 10-15 મિનિટનો વિલંબ થઈ શકે છે પરંતુ તેમને પ્રવેશની મંજૂરી આપવામાં આવશે.
G20 ના કોણ છે સભ્ય દેશો
દક્ષિણ આફ્રિકા, દક્ષિણ કોરિયા, તુર્કી, યુનાઇટેડ કિંગડમ, યુનાઇટેડ સ્ટેટ્સ, આર્જેન્ટિના, ઓસ્ટ્રેલિયા, બ્રાઝિલ, કેનેડા, યુરોપિયન યુનિયન, ચીન, ફ્રાન્સ, જર્મની, ભારત, ઇન્ડોનેશિયા, ઇટાલી, જાપાન, મેક્સિકો, રશિયા, સાઉદી અરેબિયા. સ્પેન કાયમી મહેમાન દેશ છે, જેને દર વર્ષે આમંત્રિત કરવામાં આવે છે.
આ પણ વાંચો:G-20 Preparations/ડેકોરેશન અને સુરક્ષાથી લઈને મહેમાનોના રહેવા સુધીની સંપૂર્ણ વ્યવસ્થા,જાણો G-20ની તૈયારીઓ અંગે આ 20 અપડેટ્સ
આ પણ વાંચો:G-20 summit/ચીનના રાષ્ટ્રપતિ શી જિનપિંગ નહીં આવે ભારત, ચીનના વિદેશ મંત્રાલયે જણાવ્યું કે સમિટમાં કોણ આપશે હાજરી?
આ પણ વાંચો:G20 & India-Argentina Defence Deal/G-20 સમિટ માટે દિલ્હી આવી રહ્યા છે આર્જેન્ટિનાના રાષ્ટ્રપતિ , શું ડિફેન્સ ડીલ પર થશે વાતચીત?
