બોલિવૂડનાં પ્રતિભાશાળી અભિનેતા રિતિક રોશનનો આજે 46 મો જન્મદિવસ છે. ફિલ્મ ‘કહો ના પ્યાર હૈ’ થી બોલિવૂડમાં પ્રવેશ કરનાર રિતિકને ઘણા લોકો તરફથી અભિનંદન મળી રહ્યા છે. આ ખાસ પ્રસંગે તેમની પૂર્વ પત્ની સુઝૈન ખાને પણ તેમને અભિનંદન પાઠવ્યા છે. સુઝૈને એક વીડિયો શેર કર્યો છે જેમાં તેના બંને બાળકો રિહાન અને રિદાન રિતિક રોશન સાથે જોવા મળી રહ્યા છે.
https://www.instagram.com/p/B7H1Y1OJ_cf/?utm_source=ig_web_copy_link
સુઝૈને રિતિક રોશનનાં જન્મદિવસ પર વીડિયો શેર કરીને વિશેષ કેપ્શન પણ લખ્યું છે. જે લોકોને ખૂબ ગમી રહ્યુ છે. આ કેપ્શનમાં સુઝૈને રિતિકને કહ્યું છે, હું જાણું છું કે તમે સૌથી અવિશ્વસનીય વ્યક્તિ છો. સુઝૈને તેના બાળકો અને રિતિકનાં વીડિયોની સાથે સાથે વીડિયો પણ શેર કર્યો છે. જેમાં તેઓ એક અનોખા સ્ટાઇલમાં નજર આવી રહ્યા છે.
#HappyBirthdayHrithikRoshan!https://t.co/vELeexu6Ah
— Bollywood Life (@bollywood_life) January 10, 2020
આપને જણાવી દઈએ કે તાજેતરમાં સુઝૈન ખાન અને રિતિક રોશન રજાઓ પર ગયા હતા. ખાસ વાત એ છે કે રિતિક રોશન અને તેના બાળકો તેમ જ તેમનો આખો પરિવાર આ રજાઓ પર ગયા હતા. તેની ઘણી તસવીરો સુઝૈન ખાને તેના ઇન્સ્ટાગ્રામ એકાઉન્ટ પર શેર કરી હતી. જેણે સોશિયલ મીડિયા પર પોતાનુ પ્રભુત્વ જમાવ્યું હતું.
રિતિક રોશન અને સુઝૈન ખાન એક બીજાથી અલગ થઈ ગયા છે. પરંતુ તેઓ હજી પણ ખૂબ સારા મિત્રો છે. વર્કફ્રન્ટની વાત કરીએ તો, રિતિક રોશનની ફિલ્મ વોરે ગયા વર્ષે બોક્સ ઓફિસ પર ખૂબ જ સારું પ્રદર્શન કર્યું હતું. 300 કરોડથી વધુનું કલેક્શન કરનારી આ ફિલ્મમાં રિતિક રોશન સાથે ટાઇગર શ્રોફ અને વાની કપૂર પણ મુખ્ય ભૂમિકામાં જોવા મળ્યા હતા. આ પહેલા રિતિકે તેની ફિલ્મ સુપર 30 થી પણ દરેકનું દિલ જીતી લીધું હતું.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
