Junagadh News: ગુજરાતમાં આ સમયે ભાજપનું સભ્યપદ અભિયાન ( BJP Membership Drive) ચાલી રહ્યું છે. આ સભ્યપદ નોંધણીને લઈને ઘણી વિવાદાસ્પદ ઘટનાઓ સામે આવી રહી  છે. હવે ફરી એકવાર ભાજપનું સભ્યપદ અભિયાન ચર્ચામાં આવ્યું છે. આ વખતે સસ્તા અનાજની ખરીદી કરવા ગયેલા ખેડૂતનો મોબાઈલ ફોન ઝૂંટવીને તેને ભાજપના સભ્ય બનાવી દેવાતા ભાજપના સભ્યપદ અભિયાન પર ફરી એકવાર સવાલો ઉભા થઈ રહ્યા છે.

રાજ્યમાં ભાજપનું સભ્યપદ અભિયાન પૂરજોશમાં ચાલી રહ્યું છે. પરંતુ આ વચ્ચે કેટલાક વિવાદાસ્પદ મામલાઓના સમાચાર પણ આવી રહ્યા છે. થોડા દિવસ પહેલા જ વિસનગર સિવિલમાં ઈન્જેક્શન લેવા ગયેલા દર્દીને ભાજપનો સભ્ય બનાવી દેવાતા હોબાળો થયો હતો. આ પછી, ધર્મપુરના કોંગ્રેસી નેતાનો ભાજપના સભ્ય બનવાનો ફોટો સોશિયલ મીડિયા પર વાયરલ થતાં વિવાદ સર્જાયો હતો. હવે જૂનાગઢ જિલ્લામાં એક ખેડૂતને OTP જાણ્યા વગર OTP મેળવીને ભાજપનો સભ્ય બનાવવાનો કિસ્સો પ્રકાશમાં આવ્યો છે.

જૂનાગઢ જિલ્લાના ચર ગામનો જગમાલ પીઠીયા નામનો ખેડૂત રાશન લેવા માટે ગયો હતો. આ દરમિયાન તેણે ખેડૂતનો મોબાઈલ ફોન લઈ લીધો અને તેને ભાજપનો સભ્ય બનાવી દીધો. જ્યારે ખેડૂત જગમાલ ભાઈને સંદેશો મળ્યો ત્યારે તેમને ખબર પડી કે તેઓ ભાજપના સભ્ય બન્યા છે. આ પછી ખેડૂતે બીજેપી કાર્યકરને સદસ્યતા રદ કરવા માટે અનેક ફોન કર્યા. ભાજપના નેતા અને ખેડૂત જગમાલ ભાઈ વચ્ચેની વાતચીતનો ઓડિયો પણ વાયરલ થયો છે.

આ ઓડિયોમાં ખેડૂત જગમાલ ભાઈ ભાજપના નેતાને અજાણતા સભ્ય બનાવ્યા હોવાનું કહી રહ્યા છે. જ્યારે ખેડૂતને આ સમગ્ર મામલે પૂછવામાં આવ્યું ત્યારે ખેડૂત જગમાલ ભાઈએ જણાવ્યું કે ‘મેં આ બાબતે ભાજપના કાર્યકરને 30 થી 40 ફોન કર્યા હતા અને તેમણે મારો ફોન ઉપાડ્યો ન હતો. મને અજાણતા ભાજપનો સભ્ય બનાવવામાં આવ્યો હતો. હું ભાજપ કે કોંગ્રેસનો નથી, હું ખેડૂત પુત્ર છું. આ રીતે ખેડૂતને અજાણ્યા ભાજપના સભ્ય બનાવવું ખોટું છે.

આ પણ વાંચો:ભાજપનું સભ્યપદ અભિયાન વિસનગરમાં સરકારી હોસ્પિટલના દર્દીને પણ ન છોડ્યો

આ પણ વાંચો:રાહુલ ગાંધીનું સભ્યપદ રદ કરવાનો બનાવ લોકશાહી માટે કાળો દિવસઃ વિપક્ષ

આ પણ વાંચો:સપના ચૌધરીની ભાજપમાં એન્ટ્રી, શિવરાજ સિંહ ચૌહાણ અને મનોજ તિવારીની હાજરીમાં સંભાળ્યું પાર્ટીનું સભ્યપદ