રણબીર અને આલિયાનાં લગ્ન ઘણાં સમયથી ચર્ચામાં છે. તેમના ચાહકો આતુરતાથી તેમના લગ્નની રાહ જોઈ રહ્યા છે, આખરે એક સારા સમાચાર આવ્યા છે. હવે બંનેના લગ્નની તારીખ પણ નક્કી થઇ ગઈ હોવાની વાત સામે આવી રહી છે. જી હા, બોલિવુડની હોટ જોડી આ તારીખે પરણી જાય તેવા સમાચાર હાલ પ્રપ્ત થઇ રહ્યા છે.
પ્રાપ્ત માહિતી અનુસાર, આલિયા-રણબીરના લગ્ન 18 ડિસેમ્બર, 2020 એટલે કે શુક્રવારે થયા છે. સમાચાર છે કે બંને મુંબઈમાં લગ્ન કરશે. લગ્નના તમામ ધાર્મિક વિધિઓ બંને પરિવારના ઘરે રાખવામાં આવશે. લગ્ન પછી જે પાર્ટીનું આયોજન કરવામાં આવશે, તે મુંબઈની સ્ટાર હોટલમાં રાખવામાં આવશે.
આવતા ડિસેમ્બરમાં ‘બ્રહ્માસ્ત્ર’ રિલીઝ થયા બાદ, લગભગ 2 વર્ષથી ચાલી રહેલા લગ્નની અટકળો હવે લગ્નનું રૂપ લેવા માટે તૈયાર છે. બંનેની આગામી ફિલ્મ ‘બ્રહ્માસ્ત્ર’ 4 ડિસેમ્બર 2020 ના રોજ રીલિઝ થશે અને તે પછી તેઓ લગ્ન કરશે.
ઋષિ કપૂરની ઈચ્છા
બધી અટકળો પછી આલિયા-રણબીરના લગ્નની તારીખ બહાર આવી તેની પાછળનું સૌથી મોટું કારણ છે રણબીરના પિતા ઋષિ કપૂર. તે ઇચ્છે છે કે પુત્ર જલ્દીથી લગ્ન કરે. તમને જણાવી દઈએ કે, ગયા વર્ષે ઋષિની તબિયત લથડતી હતી, જેના પછી તેમને સારવાર માટે લાંબા સમય સુધી ન્યૂયોર્ક રહેવું પડ્યું હતું. 2 દિવસ પહેલા ફરી એકવાર તેમની તબિયત લથડતાં તેને હોસ્પિટલમાં દાખલ કરવો પડ્યો હતો. આવી સ્થિતિમાં પરિવારે નક્કી કર્યું કે હવે રણબીરના લગ્નની તારીખ નક્કી થવી જોઈએ.
ન્યુ યરની ઉજવણી કરી બેંગકોકથી પાછો ફર્યો છે રણબીર અને આલિયા. જી હા, બોલીવુડનાં ક્યૂટ કપલ્સમાંથી એક, રણબીર અને આલિયા નવા વર્ષની ઉજવણી માટે બેંગકોક પહોંચ્યા હતા, હવે બંને ભારત પાછા ફર્યા છે. રણબીર અને આલિયા એક સાથે જ એરપોર્ટ પર જોવા મળ્યા હતા. બંને પહેલીવાર ફિલ્મ ‘બ્રહ્માસ્ત્ર’ માં સાથે જોવા મળશે.
પરિવારના સભ્યોને મહત્ત્વની માહિતી આપવા રણબીર-આલિયા ‘બ્રહ્માસ્ત્ર’ની રજૂઆતની રાહ જોઈ રહ્યા છે. હમણાં સુધી રણબીર અને આલિયાના લગ્નની તૈયારીઓના સમાચાર મળી રહ્યા છે અને આ વખતે પરિવારે તારીખની પુષ્ટિ કરી છે અને નજીકના લોકોને સમાચાર ની પુષ્ટિ કરે છે. તાજેતરમાં રણબીર કપૂરનો કઝીન અરમાન રણબીર કપૂરના લગ્નમાં આલિયા સાથે પહોંચ્યો હતો. રણબીરની માતા નીતુ સિંહે પણ આ બંને સાથે ફોટો પડાવ્યો હતો.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
