હૃતિક રોશન અને દીપિકા પાદુકોણની આગામી ફિલ્મ ‘ફાઈટર’ને લઈને દર્શકોમાં ભારે ચર્ચા છે. આ ફિલ્મ ભારતની અત્યાર સુધીની સૌથી મોટી એરિયલ એક્શન ફિલ્મ છે. ‘ફાઈટર’ના ગીતો રિલીઝ થતાની સાથે જ સોશિયલ મીડિયા પર લોકપ્રિય થઈ ગયા હતા અને દર્શકો ફિલ્મના ટ્રેલરની આતુરતાથી રાહ જોઈ રહ્યા હતા. હવે આખરે દર્શકોની રાહનો અંત આવ્યો છે. ફિલ્મ નિર્દેશક સિદ્ધાર્થ આનંદે આ વર્ષની બહુપ્રતિક્ષિત ફિલ્મ ‘ફાઇટર’ના ટ્રેલરની રિલીઝ ડેટની જાહેરાત કરી છે.
X પર ફિલ્મનું પોસ્ટર શેર કરતા સિદ્ધાર્થ આનંદે કહ્યું કે ફિલ્મ ‘ફાઇટર’નું ટ્રેલર 15 જાન્યુઆરીએ બપોરે 12 વાગ્યે રિલીઝ થવાનું છે. ‘ફાઇટર’નું ટ્રેલર આઇનોક્સ-પીવીઆરમાં રિલીઝ થવા જઇ રહ્યું છે અને તેની ટિકિટ પણ ઉપલબ્ધ છે. ફિલ્મના નિર્દેશકે PVR સિનેમાસની પોસ્ટને ‘Roger That’ લખીને રિટ્વીટ કરી છે.
Roger that! https://t.co/XtSsxLHn8W
— Siddharth Anand (@justSidAnand) January 12, 2024
રિતિક રોશન અને દીપિકા પાદુકોણની ફિલ્મ ‘ફાઇટર’ આ વર્ષની સૌથી ચર્ચિત ફિલ્મોમાંથી એક છે. આ ફિલ્મને લઈને દર્શકોમાં ઘણા સમયથી જબરદસ્ત ચર્ચા ચાલી રહી છે. આ એક્શનથી ભરપૂર ફિલ્મ ભારતીય વાયુસેનાના અધિકારીઓની દેશ પ્રત્યેની અદમ્ય ભાવનાને સલામ કરે છે. ભારતમાં એરફોર્સ બેઝ પર ‘ફાઇટર’નું શૂટિંગ કરવામાં આવ્યું છે.
Don’t miss this one !!! #FighterTrailer #Fighter #FighterOn25thJan pic.twitter.com/PXKZKU7pB6
— Siddharth Anand (@justSidAnand) January 12, 2024
આ દિવસે રિલીઝ થશે
ગયા વર્ષે ‘પઠાણ’ની જોરદાર સફળતા બાદ, સિદ્ધાર્થ આનંદે ફરી એકવાર દીપિકા પાદુકોણ પર મોટો દાવ લગાવ્યો છે. ‘ફાઇટર’ આ વર્ષે પ્રજાસત્તાક દિવસના અવસર પર 25 જાન્યુઆરીએ સિનેમાઘરોમાં રિલીઝ થવા જઈ રહી છે.
આ ફિલ્મ દેશભક્તિથી ભરપૂર છે.
તાજેતરમાં ફિલ્મનું ગીત ‘હીર આસમાની’ રીલિઝ થયું હતું. આ ગીતમાં એરફોર્સ પાયલટ ફિલ્મની સ્ટાર કાસ્ટનો જુસ્સો સ્પષ્ટ દેખાઈ રહ્યો હતો. આ ગીત કોઈપણની દરેક નસને ઉત્સાહથી ભરી શકે છે. દેશભક્તિ અને દેશ માટે કંઈ પણ કરવાની ભાવનાથી ભરેલી આ ફિલ્મમાં હૃતિક રોશન અને દીપિકા પાદુકોણની સાથે અનિલ કપૂર, કરણ સિંહ ગ્રોવર સહિત અનેક કલાકારો મહત્વની ભૂમિકામાં જોવા મળશે.
આ પણ વાંચો:Bigg Boss 17/‘હું ડાયરેક્ટ છું, હું માસૂમિયતની એક્ટિંગને સમજુ છું અને…’, ઈશા પર ભડક્યો કરણ જોહર
આ પણ વાંચો:Vratika Gupta/મળો આ ફેશન ડિઝાઇનર વ્રતિકા ગુપ્તાને… જેને મુંબઈમાં ખરીદ્યું રૂ. 116 કરોડનું પેન્ટહાઉસ
આ પણ વાંચો:Death of Peter Crombie/આ પ્રખ્યાત અભિનેતા હવે નથી રહ્યા, તેમને આ પાત્રથી વિશ્વભરમાં ખ્યાતિ મળી છે
