કોંગ્રેસ અધ્યક્ષ રાહુલ ગાંધી કોરોનાવાયરસ રોગચાળા કોવિડ-19 અને ભારત-ચીન તણાવનાં મુદ્દે સરકાર પર સતત પ્રહાર કરી રહ્યા છે. હવે તેમણે દેશમાં સતત વધી રહેલા પેટ્રોલ-ડીઝલની કિંમતો અને દિલ્હીમાં કોરોનાવાયરસનાં વધતા જતા કેસો અંગે સરકાર પર કટાક્ષ કર્યો છે.
રાહુલ ગાંધીએ બુધવારે એક ટ્વિટમાં કહ્યું કે, સરકારે પેટ્રોલ અને ડીઝલનાં ભાવને અનલોક કરી દીધા છે. તેમનું લક્ષ્ય યોજના ‘અનલોક 1‘ પર હતું, જે સરકારનાં લોકડાઉન પછી ધીરે ધીરે અર્થતંત્રને ખોલવા માટે બહાર પાડવામાં આવ્યું હતું. હકીકતમાં, ઓઇલ માર્કેટિંગ કંપનીઓ છેલ્લા 18 દિવસથી તેલનાં ભાવમાં વધારો કરી રહી છે, ત્યારબાદ બુધવાર સુધી ડીઝલનાં ભાવ પેટ્રોલ કરતા વધુ મોંઘા થઈ ગયા છે. પોતાના ટ્વિટમાં આલેખ શેર કરતા રાહુલે લખ્યું છે કે, ‘મોદી સરકારે કોરોના રોગચાળા અને પેટ્રોલ અને ડીઝલનાં ભાવને અનલોક કર્યા છે‘. ગ્રાફમાં, તેમણે પેટ્રોલ અને ડીઝલની કિંમતમાં સતત વધારો અને દિલ્હીમાં ઝડપથી વધી રહેલા કોવિડ-19 નાં આંકડા દર્શાવ્યા છે.
मोदी सरकार ने कोरोना महामारी और पेट्रोल-डीज़ल की क़ीमतें “अन्लॉक” कर दी हैं। pic.twitter.com/ty4aeZVTxq
— Rahul Gandhi (@RahulGandhi) June 24, 2020
આપને જણાવી દઈએ કે, બુધવારે દેશમાં પેટ્રોલનાં ભાવમાં કોઈ ફેરફાર કરવામાં આવ્યો નથી, પરંતુ ડીઝલનાં ભાવમાં 48 પૈસાનો વધારો કરવામાં આવ્યો છે, ત્યારબાદ પેટ્રોલનાં ભાવમાં પ્રતિ લિટર 79.76 રૂપિયા અને ડીઝલનાં ભાવ 79.88 રૂપિયા પ્રતિ લિટર થઇ ગયા છે. દેશનાં ઇતિહાસમાં આ પહેલીવાર છે જ્યારે પેટ્રોલ કરતા ડીઝલ મોંઘુ વેચાય છે. સોનિયા ગાંધીએ તાજેતરમાં જ મોદી સરકારને એક પત્ર લખીને તેલની સતત વધતી કિંમતોનો વિરોધ નોંધાવ્યો હતો.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને Facebook, Twitter, Instagram અને YouTube પર પણ લાઇક અને ફોલો કરીશકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “MantavyaNews” ની નવી મોબાઇલ એપ્લિકેશન.
