લિજેન્ડ ચાર્લી ચેપ્લિનની પુત્રી હોલીવુડ અભિનેત્રી જોસેફિન ચેપ્લિનનું નિધન થયું છે. તેમણે 74 વર્ષની વયે અંતિમ શ્વાસ લીધા છે. મીડિયા રિપોર્ટ્સ અનુસાર, અભિનેત્રીનું 13 જુલાઈ, 2023 ના રોજ પેરિસમાં નિધન થયું હતું, પરંતુ તેના પરિવારે શુક્રવારે મીડિયાને આ દુઃખદ માહિતી આપી હતી. કેલિફોર્નિયાના સાન્ટા મોનિકામાં 28 માર્ચ, 1949ના રોજ જન્મેલા જોસેફિન ચેપ્લિન ચાર્લી ચેપ્લિનની ચોથી પત્ની યુજીન ઓ’નીલની પુત્રી હતા.
જોસેફિન યુજીન ઓ’નીલને જન્મેલા આઠ બાળકોમાંથી ત્રીજા હતા. સમાચાર અનુસાર, ચાર્લી ચેપ્લિન અને યુજીન ઓ’નીલના લગ્ન 1942માં થયા હતા. ચાર્લી ચેપ્લિન 53 વર્ષના હતા જ્યારે બંનેના લગ્ન થયા હતા જ્યારે યુજીન ઓ’નીલ 18 વર્ષના હતા. જોસેફિન ચેપ્લિને તેના પિતા દ્વારા દિગ્દર્શિત અને લિખિત 1952 ફિલ્મ લાઇમલાઇટમાં ત્રણ વર્ષની ઉંમરે અભિનયની શરૂઆત કરી હતી.
જે બાદ તે ઘણી ફિલ્મોમાં જોવા મળ્યા હતા. જેમાં ‘ધ કેન્ટરબરી ટેલ્સ’, ‘એ કાઉન્ટેસ ફ્રોમ હોંગકોંગ’, ‘વિટ્ટોરિયો ડી સિકા’, ‘એસ્કેપ ટુ ધ સન’, ‘જેક ધ રિપર’ અને ‘લોડેરે ડેસ ફૉવ્સ’ જેવી ફિલ્મોનો સમાવેશ થાય છે. જણાવી દઈએ કે જોસેફિન ચેપ્લિનના બે લગ્ન હતા. અભિનેત્રીએ પ્રથમ લગ્ન ઉદ્યોગપતિ નિક્કી સિસ્ટોવરિસ સાથે કર્યા હતા. છૂટાછેડા લીધા પછી, તેણે જીન ક્લાઉડ ગાર્ડિન સાથે લગ્ન કર્યા હતા.
આ પણ વાંચો:એક મહિલા સાથે લિવ-ઈનમાં રહે છે રેખા? આ વ્યક્તિએ તેના પુસ્તકમાં કર્યો દાવો
આ પણ વાંચો:ઈન્ટરવ્યુના બહાને ગુરુગ્રામની હોટલમાં ભોજપુરી અભિનેત્રી પર બળાત્કાર, આરોપી મિત્ર
આ પણ વાંચો: અલ્લુ અર્જુનથી થઇ ગલતી સે મિસ્ટેક! પુષ્પા 2 ના ડાયલોગને ભૂલથી પબ્લિકમાં કર્યો લીક
આ પણ વાંચો:આદિપુરુષ ફિલ્મ નિર્માતાઓને સુપ્રીમ કોર્ટમાંથી મોટી રાહત, હાઈકોર્ટના આદેશ પર સ્ટે
