પૂર્વ એશિયાથી લઈને ઈન્ડો પેસિફિક ક્ષેત્ર સુધી સંરક્ષણ, સુરક્ષા અને સહયોગ માત્ર ભારત અને અમેરિકા માટે જ નહીં પરંતુ વૈશ્વિક શાંતિ, સુરક્ષા અને વિકાસ માટે જરૂરી બની ગયું છે. આ ક્ષેત્રમાં ચીનના વર્ચસ્વને રોકવા માટે ભારત અને અમેરિકાએ ખાસ રણનીતિ બનાવી છે. એસ જયશંકરે આ માટે અમેરિકી રક્ષા મંત્રી ઓસ્ટિન સાથે વાત કરી છે.
પૂર્વ એશિયા અને ઈન્ડો પેસિફિક ક્ષેત્રની સુરક્ષા અને વિકાસની જવાબદારી હવે ભારત અને અમેરિકાને સોંપવામાં આવશે. ચીન જેવા દુશ્મનોની દાદાગીરીને હવે આ ક્ષેત્રમાં મંજૂરી આપવામાં આવશે નહીં. ભારત અને અમેરિકા ઈન્ડો પેસિફિક ક્ષેત્રના દુશ્મનો પર ચાંપતી નજર રાખશે. વિદેશ પ્રધાન એસ જયશંકર યુએસ સંરક્ષણ સચિવ લોયડ ઓસ્ટિનને મળ્યા હતા અને સંરક્ષણ સામગ્રીના સહ ઉત્પાદન સહિત દ્વિપક્ષીય સંરક્ષણ સહયોગને મજબૂત કરવા સહિત અનેક મુદ્દાઓ પર તેમની સાથે ફળદાયી ચર્ચા કરી હતી. બંને નેતાઓએ વૈશ્વિક સુરક્ષા મુદ્દાઓ પર પણ વિચારોની આપ-લે કરી હતી.
જયશંકર અમેરિકાના વાણિજ્ય મંત્રી જીના રાયમોન્ડોને પણ મળ્યા હતા. પેન્ટાગોન ખાતે શુક્રવારે ઓસ્ટિનને મળ્યા પછી, જયશંકરે સોશિયલ મીડિયા પ્લેટફોર્મ ટ્વિટર પર કહ્યું, અમારા દ્વિપક્ષીય સંરક્ષણ સહયોગ પર ફળદાયી ચર્ચા થઈ. વૈશ્વિક સુરક્ષા પડકારો પર પણ વિચારોની આપ લે કરી છે. ઑસ્ટિને કહ્યું, મને ઈન્ડો પેસિફિક ક્ષેત્રમાં યુએસ ભારત સહયોગ અંગે ચર્ચા કરવા પેન્ટાગોન ખાતે આજે ભારતના વિદેશ મંત્રી ડૉ. એસ. જયશંકરની યજમાની કરીને આનંદ થયો.
પૂર્વ એશિયા અને હિંદ મહાસાગર ક્ષેત્રના વિકાસ પર ચર્ચા
ઝડપથી બદલાતી વૈશ્વિક પરિસ્થિતિ વચ્ચે, ભારત અને અમેરિકાએ પૂર્વ એશિયા અને હિંદ મહાસાગર ક્ષેત્રમાં તાજેતરના વિકાસ પર પણ ચર્ચા કરી. પેન્ટાગોનના ડેપ્યુટી પ્રેસ સેક્રેટરી સબરીના સિંઘે જણાવ્યું હતું કે, “ઓસ્ટિન અને જયશંકરે દ્વિપક્ષીય સંરક્ષણ સહયોગને મજબૂત કરવાના માર્ગો પર ચર્ચા કરી હતી, જેમાં ઉન્નત સંરક્ષણ ઔદ્યોગિક સહકાર અને સંરક્ષણ સામગ્રીના સહ-ઉત્પાદન, ઓપરેશનલ સહયોગને વધારવા માટે સુવ્યવસ્થિત લોજિસ્ટિક્સ પ્રક્રિયાઓનો સમાવેશ થાય છે.” જયશંકરે વાણિજ્ય મંત્રી સાથેની તેમની બેઠકમાં આ વર્ષે ટેકનિકલ ભાગીદારી અને આર્થિક ભાગીદારીમાં થયેલી નોંધપાત્ર પ્રગતિની પ્રશંસા કરી હતી.
તેમણે કહ્યું, “સહકારની ગતિ વધારવા માટે સંમત થયા છે.” એક દિવસ પહેલા, જયશંકર યુએસના રાષ્ટ્રીય સુરક્ષા સલાહકાર જેક સુલિવાન, વેપાર પ્રતિનિધિ કેથરીન તાઈ અને સેક્રેટરી ઓફ સ્ટેટ એન્ટની બ્લિંકનને મળ્યા હતા. તેઓ શનિવારે ઈન્ડિયા હાઉસ ખાતે ભારતીય મૂળના જાણીતા અમેરિકન નાગરિકો સાથે વાર્તાલાપ કરવાના છે.
આ પણ વાંચો :America/ભારતમાં લઘુમતીઓ સાથે ભેદભાવના આરોપથી એસ.જયશંકર ગુસ્સે થયા, જાણો શું કહ્યું…
આ પણ વાંચો :પાકિસ્તાન/બલૂચિસ્તાનમાં DSPની કારની બાજુમાં ઉભો હતો ફિદાયીન,હુમલાનો વીડિયો આવ્યો સામે,જુઓ વીડિયો
આ પણ વાંચો :uzbekistan/ઉઝબેકિસ્તાનની પ્રિન્સેસ ગુલનારા કરીમોવ વધુ એક નવા કૌભાંડમાં ફસાઈ
