તેલુગુ સિનેમાના સુપરસ્ટાર ચિરંજીવી અને બોલિવૂડના દબંગ ખાન એટલે કે સલમાન ખાનની આગામી ફિલ્મ ‘ગોડફાધર’નું ટીઝર રિલીઝ થઈ ગયું છે. ચિરંજીવી આવતીકાલે એટલે કે 22મી ઓગસ્ટે તેમનો 67મો જન્મદિવસ ઉજવશે, તે પહેલા દિગ્દર્શકે તેમના ચાહકોને આ ભેટ આપી છે અને તેમની ફિલ્મની પ્રથમ ઝલક શેર કરી છે જે ખૂબ જ અદભૂત છે. ફિલ્મમાં ચિરંજીવી અને સલમાન ઉપરાંત સાઉથની જાણીતી અભિનેત્રી નયનથારા પણ મુખ્ય ભૂમિકામાં જોવા મળશે. ટીઝરમાં તેની એક ઝલક પણ જોવા મળશે.
‘ગોડફાધર’ના ટીઝરમાં ખૂબ જ એક્શન છે. ટીઝર જોઈને, ખબર છે કે સલમાન ખાન આ એક્શનમાં ચિરંજીવીને ફુલ-ઓન સપોર્ટ કરશે. ટીઝરમાં જોવા મળે છે કે નયનતારા કોઈનો ઉલ્લેખ કરી રહી છે કે ‘કોઈ પણ આવે, તેનાથી કોઈ ફરક પડતો નથી, પરંતુ તેણે ન આવવું જોઈએ’. આ પછી ચિરંજીવીની એન્ટ્રી થાય છે, જેને જોઈને લોકો ખુશીથી ઉછળી પડે છે. ચિરંજવીની જબરદસ્ત એક્શન વચ્ચે, સલમાન ખાનની એક સાહસિક એન્ટ્રી છે જે ગુંડાઓ સાથે લડતા જોવા મળે છે. થોડીક સેકન્ડના આ ટીઝરને જોઈને અનુમાન લગાવી શકાય છે કે આ ફિલ્મ ઘણી જ શાનદાર બનવાની છે. ફિલ્મની રિલીઝની વાત કરીએ તો ‘ગોડ ફાધર’ 5 ઓક્ટોબર 2022ના રોજ રિલીઝ થશે.
https://www.instagram.com/reel/ChhhnkYDyi1/?utm_source=ig_web_copy_link
મોટા પડદા પર સલમાન અને ચિરંજીવીનું એકસાથે આવવું એ પ્રેક્ષકો માટે એક મહાન આશ્ચર્યજનક પેકેજ હોઈ શકે છે, જે દક્ષિણ અને બોલિવૂડ ફિલ્મોની ગુણવત્તા વિશે ચાલી રહેલી ચર્ચા વચ્ચે ચાહકો ચોક્કસપણે જોવા માંગશે. મોહન રાજાએ ફિલ્મનું નિર્દેશન કર્યું છે. સલમાન અને ચિરંજીવીના વર્ક ફ્રન્ટની વાત કરીએ તો ભાઈજાન ટૂંક સમયમાં ‘ટાઈગર 3’ અને ‘કભી ઈદ કભી દિવાળી’માં જોવા મળશે. જયારે વર્ષ 2022 માં જ, ચિરંજીવીની ‘આચાર્ય’ રિલીઝ થઈ હતી જે સ્ક્રીન પર ખરાબ રીતે ફ્લોપ થઈ હતી.
