Gandhinagar News: ગુજરાતમાં હવે શિયાળાની શરૂઆત થઈ રહી હોય તેવું લાગી રહ્યું છે. રાજ્યમાં ઠંડીનું પ્રમાણ દિવસેને દિવસે વધી રહ્યું છે. રાજ્યમાં છેલ્લા કેટલાક દિવસોમાં તાપમાનમાં 2-3 ડિગ્રીનો ઘટાડો થયો છે. હાલમાં રાજ્યમાં સરેરાશ લઘુત્તમ તાપમાન 20 ડિગ્રીની આસપાસ નોંધાયું છે. જ્યારે કેશોદમાં લઘુત્તમ તાપમાન 17.5 ડિગ્રી નોંધાયું હતું જે રાજ્યનું સૌથી નીચું તાપમાન છે.

કેશોદ  સૌથી ઠંડુ 

ગુજરાતમાં ઠંડી વધી રહી છે ત્યારે રાજ્યમાં લઘુત્તમ તાપમાન 17.5 ડિગ્રીથી 25.6 ડિગ્રી નોંધાયું હતું. ગુજરાતના મોટાભાગના વિસ્તારોમાં લઘુત્તમ તાપમાન 20 ડિગ્રીની આસપાસ નોંધાયું હતું. લઘુત્તમ તાપમાન 17.5 ડિગ્રી સેલ્સિયસ સાથે કેશોદ ગુજરાતનું સૌથી ઠંડુ શહેર હતું. આ ઉપરાંત ઓખામાં લઘુત્તમ તાપમાન 25.6 ડિગ્રી નોંધાયું હતું.

અમદાવાદમાં સવારે ઠંડી

રાજ્યમાં ઘટતા તાપમાનની સાથે અમદાવાદ શહેરનું તાપમાન પણ ઘટી રહ્યું છે. અને વાતાવરણમાં ઠંડક પ્રસરી છે. જો કે, બપોરના સમયે હજુ પણ ગરમી છે. જો કે, તાપમાનમાં એકંદરે ઠંડકના કારણે લોકોને ગરમીમાંથી થોડી રાહત મળી છે. અમદાવાદ શહેરમાં સવારે અને મોડી સાંજે ઠંડીનો અહેસાસ થવા લાગ્યો છે. ગુરુવારે અમદાવાદનું લઘુત્તમ તાપમાન 20.8 ડિગ્રી નોંધાયું હતું.

તીવ્ર ઠંડી

ગુજરાતમાં હવે તાપમાન નીચે જઈ રહ્યું છે. છેલ્લા કેટલાક દિવસોમાં તાપમાનમાં પણ 2-3 ડિગ્રીનો ઘટાડો થયો છે. બીજી તરફ ઉત્તર ભારતના પહાડી વિસ્તારોમાં થયેલી હિમવર્ષાની અસર ગુજરાતમાં પણ જોવા મળી રહી છે. આગામી દિવસોમાં ઠંડા પવનો પણ ફૂંકાવા લાગશે. આ સાથે જ ગુજરાતમાં કડકડતી ઠંડી શરૂ થશે. હવામાન વિભાગનું માનવું છે કે ડિસેમ્બરની શરૂઆતથી જ ઠંડીમાં વધારો થશે.

આ પણ વાંચો: ગુજરાતમાં સવારે ઠંડીનો ચમકારો, શું કહે છે IMDની આગાહી

આ પણ વાંચો: રાજ્યમાં ધીમેધીમે આગળ વધતી ઠંડીઃ ત્રણ શહેરોમાં લઘુત્તમ તાપમાન 19 ડિગ્રી

આ પણ વાંચો: રાજ્યમાં થઈ રહી છે ઠંડીની જમાવટઃ લઘુત્તમ તાપમાનની સરેરાશ 20થી 21 ડિગ્રી