કોંગ્રેસ નેતા રાહુલ ગાંધી મંગળવારે (30 મે) અમેરિકાના સાન ફ્રાન્સિસ્કો પહોંચ્યા છે. આ દરમિયાન રાહુલ ગાંધી ટી-શર્ટમાં જોવા મળ્યા હતા. સામાન્ય પાસપોર્ટ હોવાના કારણે રાહુલ ગાંધીને સામાન્ય પ્રક્રિયા હેઠળ સાન ફ્રાન્સિસ્કો એરપોર્ટથી નીકળવામાં દોઢ કલાક જેટલો સમય લાગ્યો હતો. રાહુલ ગાંધીના અમેરિકાના અનેક શહેરોમાં કાર્યક્રમો છે. 4 જૂને તેઓ ન્યૂયોર્કમાં ભારતીય મૂળના લોકોને સંબોધિત કરશે.
#WATCH | Congress leader Rahul Gandhi arrives in San Francisco, USA. He is on a 10 days visit to the United States.
(Video: Indian Overseas Congress) pic.twitter.com/YFWoubZnq2
— ANI (@ANI) May 30, 2023
રાહુલ ગાંધી સાન ફ્રાન્સિસ્કોની પ્રતિષ્ઠિત સ્ટેનફોર્ડ યુનિવર્સિટીના વિદ્યાર્થીઓ સાથે વાતચીત કરશે. ત્યારબાદ તેઓ વોશિંગ્ટનમાં એક પ્રેસ કોન્ફરન્સને સંબોધશે અને ધારાશાસ્ત્રીઓ અને થિંક ટેન્ક સાથે બેઠકો કરશે. અમેરિકાના તેમના અઠવાડિયાના પ્રવાસ દરમિયાન તેઓ ભારતીય અમેરિકનોને પણ સંબોધિત કરે તેવી શક્યતા છે. તેમની મુલાકાત 4 જૂને ન્યૂયોર્કમાં એક કાર્યક્રમમાં હાજરી આપીને સમાપ્ત થશે. અગાઉ રાહુલ ગાંધીને દિલ્હીની સ્થાનિક કોર્ટમાં નો ઓબ્જેક્શન સર્ટિફિકેટ (NOC) જારી થયાના બે દિવસ બાદ રવિવારે (28 મે) ના રોજ નવો સામાન્ય પાસપોર્ટ મળ્યો હતો. તેઓ સોમવારે અમેરિકા જવા રવાના થયા હતા. કોંગ્રેસના પૂર્વ અધ્યક્ષે સંસદ સભ્ય તરીકે તેમને આપવામાં આવેલ ડિપ્લોમેટિક પાસપોર્ટ જમા કરાવ્યા બાદ સામાન્ય પાસપોર્ટ માટે અરજી કરી હતી.
ગુજરાતના સુરતની એક અદાલતે ગુનાહિત માનહાનિનો દોષી ઠેરવ્યા બાદ રાહુલ ગાંધીને સાંસદ તરીકે ગેરલાયક ઠેરવવામાં આવ્યા હતા. આ પછી રાહુલ ગાંધીએ રાજદ્વારી પ્રવાસના દસ્તાવેજો પરત કર્યા હતા. દિલ્હી કોર્ટે રાહુલ ગાંધીને સામાન્ય પાસપોર્ટ 10 વર્ષની જગ્યાએ ત્રણ વર્ષ માટે આપવા માટે એનઓસી જારી કરી હતી.
