ગુજરાતમાં ભાજપ ઐતિહાસિક જીત તરફ આગળ વધી રહી છે, ભાજપ 150 બેઠકો પર આગળ નીકળી ગઇ છે, હવે આ મતગણતરીમાં થઇ રહેલા રાઉન્ડ જીતમાં તબદીલ થશે તો ભાજપ ઐતિહાસિક બેઠકો સાથે સત્તા પર બેસશે. ભાજપની ઐતિહાસિક જીત વધી રહી છે, આમ આદમી પાર્ટીએ કોંગ્રેસને સૈાથી વધારે નુકશાન પહોંચાડ્યું છે, 1990 બાદ પહેલીવાર ખરાબ પ્રદર્શન કોંગ્રેસનું જોવા મળી રહ્યું છે.
ગુજરાતની 182 વિધાનસભા બેઠકો માટે પરિણામ આવવાનું શરૂ થઈ ગયું છે. પ્રારંભિક વલણોમાં ભાજપને બહુમતી મળી છે. ગુજરાતમાં બહુમતી માટે 92 બેઠકોની જરૂર છે, જ્યારે અહીં ભાજપ 150ની આસપાસ બેઠકો પર આગળ છે. ટ્રેન્ડમાં કોંગ્રેસની બેઠકો ઘટીને 20 થઈ ગઈ છે. આમ આદમી પાર્ટી હવે 6 સીટો પર આગળ છે.
કોંગ્રેસે હાર સ્વીકારી, 1990 પછીનું સૌથી ખરાબ પ્રદર્શન
વલણો પર નજર કરીએ તો કોંગ્રેસના પ્રદેશ પ્રમુખ જગદીશ ઠાકોરે હાર સ્વીકારી લીધી છે. એબીપી ન્યૂઝ સાથે વાત કરતાં તેમણે કહ્યું છે કે તેઓ આદેશનો સ્વીકાર કરશે. 1990 પછી કોંગ્રેસનું આ સૌથી ખરાબ પ્રદર્શન માનવામાં આવે છે. 1990માં કોંગ્રેસને 33 બેઠકો મળી હતી.
ગુજરાત રમખાણો પછી 2002માં ચૂંટણી યોજાઈ હતી જેમાં કોંગ્રેસે 51 બેઠકો જીતી હતી. કોંગ્રેસ સામે ભાજપને 127 બેઠકો મળી હતી. 2007ની ચૂંટણીમાં કોંગ્રેસ સત્તામાં ન આવી શકી, પરંતુ પાર્ટીની 8 બેઠકો ચોક્કસ વધી. 2007માં ભાજપે 117 અને કોંગ્રેસે 59 બેઠકો જીતી હતી.2012ની ચૂંટણી સમયેતત્કાલીન મનમોહન સિંહ સરકાર વિરુદ્ધ સમગ્ર દેશમાં વિરોધ ચાલી રહ્યો હતો, જેને ભાજપે ગુજરાતમાં પણ રોક્યો હતો. આમ છતાં કોંગ્રેસે ગુજરાતમાં સારું પ્રદર્શન કર્યું અને 61 બેઠકો જીતી. 2017ની ચૂંટણીમાં કોંગ્રેસે સત્તાધારી ભાજપને જોરદાર ટક્કર આપી હતી.કોંગ્રેસે આ ચૂંટણીમાં 77 બેઠકો જીતી છે, જે 1990 પછીનું શ્રેષ્ઠ પ્રદર્શન દર્શાવે છે. 20 થી વધુ બેઠકો પર પક્ષના ઉમેદવારો નજીવી સરસાઈથી હાર્યા હતા.
