સંરક્ષણ મંત્રી રાજનાથ સિંહે સોમવારે કહ્યું હતું કે અફઘાનિસ્તાનની ગંભીર સ્થિતિ ભારત માટે સુરક્ષાના નવા પ્રશ્નો ઉભા કર્યા છે અને કેન્દ્ર સરકાર સજાગ છે અને કોઈપણ પરિસ્થિતિનો સામનો કરવા સક્ષમ છે. તેમણે એમ પણ કહ્યું હતું કે, સરહદ પારના આતંકવાદને પ્રોત્સાહન આપવા માટે અફઘાનિસ્તાનની સ્થિતિનો લાભ લઇને કોઈ પણ દેશ વિરોધી શક્તિને મંજૂરી આપવી જોઈએ નહીં.
રાજનાથ સિંહે કહ્યું કે અમારી સરકાર ત્યાંની સ્થિતિ પર સતત નજર રાખી રહી છે. અમે દરેક નાગરિકને સુરક્ષિત રીતે દેશમાં પરત લાવીશું. આ સિવાય કાશ્મીરની પરિસ્થિતિ પર બોલતા રાજનાથ સિંહે કહ્યું કે કાશ્મીરમાં બાકી રહેલા આતંકવાદનો પણ અંત આવશે.તેઓ રાષ્ટ્રીય સુરક્ષાના મુદ્દે પંજાબ યુનિવર્સિટી દ્વારા આયોજિત ત્રીજા બલરામજી દાસ ટંડન મેમોરિયલ લેક્ચરને સંબોધિત કરી રહ્યા હતા. સિંહે વીડિયો કોન્ફરન્સ દ્વારા પોતાના સંબોધનમાં કહ્યું, “પડોશી અફઘાનિસ્તાનમાં જે થઈ રહ્યું છે તે સુરક્ષાની દ્રષ્ટિએ નવા પ્રશ્નો ઉભા કરી રહ્યું છે અને અમારી સરકાર ત્યાંના વિકાસ પર નજર રાખી રહી છે.
સિંહે કહ્યું, “ભારતીયોની સુરક્ષાની સાથે સાથે અમારી સરકાર પણ ઈચ્છે છે કે દેશવિરોધી શક્તિઓ ત્યાંની સ્થિતિનો લાભ લઈને સીમાપાર આતંકવાદને પ્રોત્સાહન ન આપે. અમારી પાસે કેટલીક અન્ય ચિંતાઓ છે જે રાષ્ટ્રીય સુરક્ષાના દૃષ્ટિકોણથી પડકારો ઉભા કરી શકે છે.કેન્દ્રમાં નરેન્દ્ર મોદીના નેતૃત્વવાળી સરકાર સંપૂર્ણપણે સજાગ છે અને કોઈપણ પરિસ્થિતિનો સામનો કરવા સક્ષમ છે. તાલિબાને તમામ મોટા શહેરો પર કબજો કર્યા બાદ 15 ઓગસ્ટના રોજ અફઘાનિસ્તાનનો કબજો મેળવ્યો હતો.
