EC દ્વારા દિલ્હી ચૂંટણી પ્રચારનાં દિવસેમાં ‘ભારત-પાકિસ્તાન મેચ’ના કપિલ મિક્ષાનાં ટ્વીટર પરનાં નિવેદન પર ગંભીરતાથી પગલા લેવાતા શનિવારે ભાજપ નેતા અને મોડેલ ટાઉનના ઉમેદવાર કપિલ મિશ્રા સામે મોટી કાર્યવાહી કરવામાં આવી છે. ચૂંટણી પંચે તેમને આગામી 48 કલાક સુધી એટલે કે, આજે સાંજે 5 વાગ્યાથી સોમવાર સાંજ સુધી દિલ્હી વિધાનસભાની ચૂંટણીમાં પ્રચાર કરવા પર પ્રતિબંધ મૂક્યો છે.

કપિલ મિશ્રાએ ટ્વીટ કર્યું હતું કે 8 ફેબ્રુઆરીએ ભારત અને પાકિસ્તાન દિલ્હીમાં ભાગ લેશે. આ નિવેદન બાદ દિલ્હીના રાજકારણમાં ખળભળાટ મચી ગયું છે. નાયબ મુખ્યમંત્રી મનીષ સિસોદિયાએ કપિલ મિશ્રાના નિવેદન પછી કહ્યું હતું કે તો ભારત જીતશે.

દરમિયાન, ચૂંટણી પંચે ટ્વિટરને આ ટ્વીટ ડિલીટ કરવા જણાવ્યું હતું. આ સાથે જ વિવાદાસ્પદ ટ્વીટ સંદર્ભે દિલ્હી પોલીસે શુક્રવારે (24 જાન્યુઆરી) ના રોજ ભાજપના ઉમેદવાર કપિલ મિશ્રા વિરુદ્ધ એફઆઈઆર દાખલ કરી હતી. ચૂંટણી પંચના અધિકારીઓની સૂચના બાદ એફઆઈઆર નોંધવામાં આવી હતી. જન પ્રતિનિધિત્વ અધિનિયમની કલમ 125 હેઠળ મોડેલ ટાઉન પોલીસ સ્ટેશનમાં એફઆઈઆર નોંધાઈ હતી. જેને પગલે ટ્વિટરે ચૂંટણી પંચના આદેશ બાદ વિવાદિત ટ્વીટને ડિલીટ કરી દીધી હતી.

દિલ્હીના સીઈઓ રણબીરસિંહે કહ્યું હતું કે, અમે આ ટ્વીટનું ધ્યાન રાખ્યું છે અને તેને દૂર કરવા માટે ઇસીને ગઈરાત્રે એક પત્ર લખ્યો હતો. આ ટ્વીટ આદર્શ આચારસંહિતા અને લોકોના પ્રતિનિધિત્વનું ઉલ્લંઘન છે, તેથી અમે કાર્યવાહી કરી છે. ” 

નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…

તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.