મુકેશ અંબાણીના પુત્ર અનંત અંબાણી અને રાધિકા મર્ચન્ટના લગ્નમાં દેશ-વિદેશની સેલિબ્રિટીઓએ હાજરી આપી હતી. રાજકારણ હોય કે મનોરંજન અને રમતગમત દરેક ક્ષેત્રના લોકો આ ભવ્ય લગ્નમાં જોવા મળ્યા હતા. ઇન્ડિયા ગઠબંધનના નેતાઓ પણ આમાં પાછળ નહોતા. આરજેડી ચીફ લાલુ પ્રસાદ યાદવ હોય કે સપા ચીફ અખિલેશ યાદવ, દરેકે અનંત અંબાણીના લગ્નમાં હાજરી આપી હતી. વડાપ્રધાન મોદી પણ 13 જુલાઈએ નવવધુને આશીર્વાદ આપવા પહોંચ્યા હતા. જો કે ગાંધી પરિવારે આ કાર્યક્રમથી સંપૂર્ણપણે અંતર જાળવી રાખ્યું હતું. એક તરફ અનંત અંબાણીના લગ્નનો વીડિયો વાયરલ થઈ રહ્યો છે તો બીજી તરફ રાહુલ ગાંધીનો એક વીડિયો પણ સોશિયલ મીડિયા પર ચર્ચાનો વિષય બની રહ્યો છે.

આ વીડિયો એક રેસ્ટોરન્ટનો છે જ્યાં રાહુલ ગાંધી વાદળી ટી-શર્ટ પહેરીને બેઠા છે. તેઓ તેમના ટેબલની સામે બેઠેલા કોઈની સાથે વાત કરી રહ્યા છે. રેસ્ટોરન્ટમાં એવા ઘણા લોકો છે જે પોતપોતાની વસ્તુઓમાં વ્યસ્ત છે. એક્સ પર વીડિયો શેર કરતા એક યુઝરે કહ્યું કે, જ્યારે તમામ રાજનેતાઓ અંબાણી પરિવારના લગ્નમાં હાજરી આપી રહ્યા છે ત્યારે રાહુલ ગાંધી રેસ્ટોરન્ટમાં પિઝા ઓર્ડર કરી રહ્યા છે.

https://twitter.com/SatyamInsights/status/1812203816709763502?ref_src=twsrc%5Etfw%7Ctwcamp%5Etweetembed%7Ctwterm%5E1812203816709763502%7Ctwgr%5Eb4c944b808a35d975d6598634b900cf28a0963ab%7Ctwcon%5Es1_&ref_url=https%3A%2F%2Fwww.livehindustan.com%2Fviral-news%2Fstory-during-anant-ambanis-wedding-where-was-rahul-gandhi-video-went-viral-10453013.html

તમને જણાવી દઈએ કે વડાપ્રધાન નરેન્દ્ર મોદીએ શનિવારે અનંત અને રાધિકાના ‘શુભ આશીર્વાદ’ સમારોહમાં હાજરી આપી હતી. આ ઈવેન્ટ મુંબઈના Jio વર્લ્ડ કન્વેન્શન સેન્ટરમાં યોજાઈ હતી. આ પ્રસંગે મુકેશ અંબાણી અને નીતા અંબાણીએ તેમનું સ્વાગત કર્યું અને તેમને સ્ટેજ પર લઈ ગયા. અનંત અને રાધિકાએ વડાપ્રધાન મોદીના ચરણ સ્પર્શ કરીને આશીર્વાદ લીધા હતા.

શનિવારે અંબાણી પરિવારના કાર્યક્રમમાં લાલુ પ્રસાદ યાદવ સહિત અનેક રાજનેતાઓએ હાજરી આપી હતી. તેમાં આંધ્રપ્રદેશના મુખ્યમંત્રી ચંદ્રબાબુ નાયડુ, નાયબ મુખ્યમંત્રી પવન કલ્યાણ, મહારાષ્ટ્રના મુખ્યમંત્રી એકનાથ શિંદે, નાયબ મુખ્યમંત્રી દેવેન્દ્ર ફડણવીસ અને અજિત પવાર, શિવસેના (યુબીટી)ના વડા ઉદ્ધવ ઠાકરે, યુપીના પૂર્વ મુખ્યમંત્રી અખિલેશ યાદવના નામ સામેલ છે.

આ પણ વાંચો:46 વર્ષ પછી આજે ખુલશે જગન્નાથ મંદિરનો રત્ન ભંડાર,જાણો શું છે ખજાનામાં?

આ પણ વાંચો:આજે શંભુ બોર્ડર પર ખેડૂત સંગઠનોની બેઠક યોજાશે, દિલ્હી કૂચ કરવાનો નિર્ણય થઈ શકે છે

આ પણ વાંચો:ત્રિપુરામાં આદિવાસી યુવકના મોત બાદ હિંસા અને આગચંપીના બનાવો, સ્થિતિ વણસી