મણિપુરમાં ગુરુવારે ફરી એકવાર હિંસા ફાટી નીકળી હતી. વિરોધ કરી રહેલા ટોળાએ પોલીસ સ્ટેશન અને કોર્ટમાં તોડફોડ કરવાનો પ્રયાસ કર્યો હતો. સુરક્ષા દળોએ લાઠીચાર્જ કર્યો અને ટીયર ગેસના શેલ છોડ્યા. સ્ટંટ બોમ્બ પણ છોડવા પડ્યા. આ દરમિયાન 10 થી વધુ લોકો ઘાયલ થયા હતા.દેખાવકારો 16 સપ્ટેમ્બરે સુરક્ષા દળોના યુનિફોર્મમાં અને અત્યાધુનિક હથિયારો સાથે પકડાયેલા પાંચ લોકોની બિનશરતી મુક્તિની માંગ કરી રહ્યા હતા. સાવચેતીના પગલા તરીકે, રાજ્ય સરકારે રાજધાની ઇમ્ફાલના બંને જિલ્લામાં સાંજે 5 વાગ્યાથી કર્ફ્યુમાં છૂટછાટ રદ કરી છે.
છ સ્થાનિક ક્લબ અને મીરા પાબીસના કોલ પર ગુરુવારે સેંકડો વિરોધીઓ રસ્તા પર ઉતરી આવ્યા હતા. દેખાવકારોએ અટકાયત કરાયેલા લોકોની બિનશરતી મુક્તિની માંગ સાથે પાંચ ખીણ જિલ્લાના પોલીસ સ્ટેશનો તરફ કૂચ કરી. જો તેમ ન થાય તો તેની પણ ધરપકડ કરવામાં આવે તેવી માંગણી કરી હતી. તેઓના હાથમાં સૂત્રોચ્ચાર સાથેના પ્લેકાર્ડ હતા.દેખાવકારોએ ઇમ્ફાલ પૂર્વના પોરોમપટ પોલીસ સ્ટેશન અને ઇમ્ફાલ પશ્ચિમ જિલ્લામાં સિંગજામેઇ પોલીસ સ્ટેશન અને ક્વાકિથેલ પોલીસ ચોકી પર હુમલો કરવાનો પ્રયાસ કર્યો. પહેલા તો સુરક્ષાદળોએ તેમને શાંત પાડવાનો પ્રયાસ કર્યો, પરંતુ જ્યારે લોકો બળજબરીથી અંદર ઘૂસવા લાગ્યા તો તેઓએ લાઠીચાર્જ કર્યો. સુરક્ષા દળોએ ભીડને વિખેરવા માટે અશ્રુવાયુના અનેક રાઉન્ડ ગોળીબાર કર્યો હતો.
સિંગજામેઈ પોલીસ સ્ટેશનની બહાર ભીડ અને પોલીસ વચ્ચે ઘર્ષણ થયું, જ્યાં પોલીસે ટીયર ગેસના સેલ છોડ્યા. હિંસામાં 10 લોકો ઘાયલ થયા છે. પોલીસે અનેક લોકોની અટકાયત કરી છે.રાજ્ય વહીવટીતંત્રે કર્ફ્યુમાં છૂટછાટના આદેશો રદ કર્યા છે અને તાજી હિંસાને પગલે મોટા મેળાવડા પર પ્રતિબંધ મૂકતા પ્રતિબંધક આદેશો ફરીથી લાગુ કર્યા છે.મણિપુરમાં 3 મેના રોજ હિંસા ફાટી નીકળી હતી. જેમાં 150 થી વધુ લોકોના મોત થયા છે. હાલમાં જ 12 સપ્ટેમ્બરે કાંગપોકપીમાં ફાયરિંગમાં ત્રણ લોકોના મોત થયા હતા. અજાણ્યા હુમલાખોરોએ સવારે 8.30 વાગ્યે કોંગગુઇ વિસ્તારના ઇરેંગ અને કરમ વાફેઇ ગામો વચ્ચે અંધાધૂંધ ગોળીબાર કર્યો, જેમાં ત્રણ લોકોના મોત થયા.
