બોલિવૂડથી લઈને સાઉથની ફિલ્મો સુધી પોતાની અભિનય કુશળતા સ્થાપિત કરનાર દિવંગત અભિનેત્રી શ્રીદેવીનો આજે 60મો જન્મદિવસ છે. ‘હવા હવાઈ’ના નામથી જાણીતી અભિનેત્રી ભલે આજે આપણી વચ્ચે નથી, પરંતુ આજે પણ તેના ચાહકો તેને દિલથી યાદ કરે છે. આ સાથે જ ગૂગલે પણ શ્રીદેવીની યાદમાં ખાસ ડૂડલ બનાવીને તેમના જન્મદિવસની ઉજવણી કરી છે. ગૂગલે મુંબઈ સ્થિત ગેસ્ટ આર્ટિસ્ટ ભૂમિકા મુખર્જી દ્વારા ચિત્રિત શ્રીદેવીની એક રંગીન તસવીર શેર કરી છે.
શ્રીદેવીએ માત્ર ચાર વર્ષની ઉંમરે તમિલ ફિલ્મ ‘કંધન કરુણઈ’માં બાળ કલાકાર તરીકે ડેબ્યૂ કર્યું હતું. અભિનેત્રીએ વર્ષ 1978માં ફિલ્મ ‘સોલહવા સાવન’થી બોલિવૂડમાં એન્ટ્રી કરી હતી. અભિનેત્રીએ હિન્દી, તમિલ, તેલુગુ, મલયાલમ અને કન્નડ ફિલ્મોમાં કામ કર્યું હતું. તેમણે ઈન્ડસ્ટ્રીને એકથી એક શાનદાર ફિલ્મો આપી. અભિનેત્રીએ લગભગ 300 ફિલ્મોમાં તેની ભૂમિકા ભજવી હતી. જેમાં ‘મિસ્ટર ઈન્ડિયા’, ‘ખુદા ગવાહ’, ‘લાડલા’ અને ‘ઈંગ્લિશ વિંગ્લિશ’ જેવી ઘણી ફિલ્મો સામેલ છે.
હોલીવુડના દિગ્દર્શક સ્ટીવન સ્પીલબર્ગે પણ શ્રીદેવીને તેમની ફિલ્મ ‘જુરાસિક પાર્ક’માં રોલ ઓફર કર્યો હતો, પરંતુ અભિનેત્રીએ ના પાડી દીધી હતી. શ્રીદેવીને ભારત સરકાર દ્વારા પદ્મશ્રી એવોર્ડથી પણ સન્માનિત કરવામાં આવી હતી.
24 ફેબ્રુઆરી 2018ના રોજ શ્રીદેવીનું નિધન થયું હતું. અભિનેત્રી એક ફંક્શન માટે દુબઈ ગયા હતા. જ્યાં તેમની લાશ એક હોટલના બાથટબમાંથી મળી આવી હતી. શ્રીદેવીના અકાળે અવસાનથી ઈન્ડસ્ટ્રી સહિત તેમના ચાહકોને મોટો આઘાત લાગ્યો છે. જણાવી દઈએ કે શ્રીદેવીનો જન્મ 13 ઓગસ્ટ, 1963ના રોજ તમિલનાડુના શિવકાશીમાં થયો હતો. શ્રીદેવીનું પૂરું નામ શ્રી અમ્મા યંગર અયપ્પન હતું.
આ પણ વાંચો:અભિનેત્રી જયાપ્રદાને 6 મહિનાની જેલની સજા, કોર્ટ દ્વારા આ કેસમાં દોષિત!
આ પણ વાંચો:‘અક્ષય કુમારને થપ્પડ મરો, 10 લાખ રૂપિયાનું ઇનામ લઇ જાવ, OMG 2થી નારાજ હિન્દુ સંગઠનની જાહેરાત
આ પણ વાંચો: જયા પ્રદા પહેલા બોલિવૂડની આ અભિનેત્રીઓને થઈ ચૂકી છે જેલ, આ લિસ્ટમાં સામેલ છે અનેક ટોચની સુંદરીઓના નામ
આ પણ વાંચો: KBC 15માં 7 મોટા ફેરફારો, ખતરનાક લાઈફલાઈન અને ‘સુપર બોક્સ’ની એન્ટ્રી; જાણો વિગતો
