આજે ગુજરાત સહીત દેશની ૫૬ વિધાનસભાની પેટા ચૂંટણી અને બિહાર વિધાનસભા માટે સવારે ૮ વાગ્યે મત ગણના શરુ થઈ છે. કોરોના કહેર વચ્ચે યોજાયેલી આ ચૂંટણીમાં  મત ગણતરી પૂર્વે કેન્દ્રોની સ્વચ્છતા કરવામાં આવી હતી.  મત ગણતરી કેન્દ્રોની સામેથી આવતા – જતા વાહનો ડાયવર્ટ કરી દેવામાં આવ્યા છે.

નોધનીય છે કે, ગુજરાતમાં ૮ વિધાનસભા માટે ચૂંટણી યોજાઈ હતી.  આ મત ગણતરી પહેલા બેલેટ પેપરની મત ગણતરી શરૂ કરવામાં આવી છે. બેલેટ પેપરમાં ગઢડા બેઠક પર ભાજપ આગળ છે. ઉલ્લેખનીય છે કે કોરોના ના કહેર વચ્ચે આ ચૂંટણીમાં મતદાન મથકની સંખ્યા વધારવામાં આવી હતી. જેથી EVM ની  સંખ્યા પણ વધી છે, જેને કારણે મતગણતરીના રાઉન્ડ પણ વધારવામાં આવ્યા છે, જેથી પરિણામ દોઢથી બે કલાક જેટલું વિલંબથી આવશે. ચિત્ર સ્પષ્ટ થતાં બપોરે 12થી 2 વાગે એવી પણ શક્યતા છે.