Israel news : હમાસે ઈઝરાયેલને ગાઝા બંધકોની ત્રીજી યાદી 30 જાન્યુઆરી (ગુરુવાર)ના રોજ જાહેર કરવાની સોંપી છે. આ યાદી અંગેની માહિતી વડાપ્રધાન બેન્જામિન નેતન્યાહુના કાર્યાલય દ્વારા આપવામાં આવી છે. અગાઉ, હમાસે ઇઝરાયેલ પર ગાઝાને જરૂરી માનવતાવાદી સહાય પહોંચાડવામાં વિલંબ કરવાનો આરોપ લગાવ્યો હતો. જૂથે ચેતવણી આપી હતી કે આ બંધક મુક્તિ પ્રક્રિયાને અસર કરી શકે છે.
અગાઉ, ગાઝા પટ્ટીમાં યુદ્ધવિરામના અમલીકરણ પછી, હમાસ દ્વારા ત્રણ ઇઝરાયેલ બંધકો – રોમી ગોનોન, એમિલી ડામારી અને ડોરોન સ્ટેનબ્રેચરને મુક્ત કરવામાં આવ્યા હતા. બંધકોને મુક્ત કર્યા બાદ એક નિવેદનમાં અમેરિકાના ભૂતપૂર્વ રાષ્ટ્રપતિ જો બિડેને કહ્યું કે, “આજે ગાઝામાં બંદૂકો શાંત પડી ગઈ છે.”ત્રણ ઈઝરાયલી બંધકોની મુક્તિના બદલામાં 90 પેલેસ્ટિનિયન કેદીઓને મુક્ત કરવાની યોજના બનાવવામાં આવી છે.
જેમાં 69 મહિલાઓનો સમાવેશ થાય છે. સૌથી નાનો કેદી 15 વર્ષનો મહમૂદ અલીવત છે. પોપ્યુલર ફ્રન્ટ ફોર ધ લિબરેશન ઓફ પેલેસ્ટાઈન (PFLP) ના વરિષ્ઠ સભ્ય, 62 વર્ષીય ખાલિદા જરારને પણ મુક્ત કરવામાં આવશે. ઇઝરાયેલના રાજકીય વિરોધ ક્રેકડાઉનના ભાગરૂપે જરારની ઘણી વખત ધરપકડ કરવામાં આવી હતી.
ઉત્તર ભાગમાં પાછા ફરતા લોકો માટે પોતાના શહેરને ઓળખવું મુશ્કેલ બની ગયું છે. જ્યાં તેમના ઘરો, બજારો અને જાહેર સ્થળો એક સમયે ઉભા હતા, હવે માત્ર કાટમાળના ઢગલા જ રહી ગયા છે. પરત ફરતા નાગરિકો તેમના ઘરનું સ્થાન ઓળખી શકતા નથી કારણ કે ઇમારતો સંપૂર્ણપણે નાશ પામી છે, રસ્તાઓ નાશ પામ્યા છે અને માળખાકીય સુવિધાઓ બરબાદ થઈ ગઈ છે.
ગાઝાનો આ વિનાશ અહીંના લોકો માટે કોઈ ભયાનક આફતથી ઓછો નથી. તમને જણાવી દઈએ કે હાલમાં ઈઝરાયેલ અને હમાસ 42 દિવસના યુદ્ધવિરામના પ્રથમ તબક્કાને લાગુ કરી રહ્યા છે. આ સમજૂતી હેઠળ ગુરુવારે ત્રણ ઈઝરાયેલ બંધકોને મુક્ત કરવામાં આવે તેવી શક્યતા છે.
આ પણ વાંચો:હું ઈચ્છું છું કે ફક્ત ખૂબ સક્ષમ લોકો જ આપણા દેશમાં આવે: રાષ્ટ્રપતિ ટ્રમ્પ
આ પણ વાંચો:ટ્રમ્પે નાગરિકત્વનો જન્મજાત અધિકાર સમાપ્ત કરતાં ભારતીયોમાં અધૂરા મહિને બાળકને જન્મ આપવા લાગી રેસ
આ પણ વાંચો:રાષ્ટ્રપતિ ટ્રમ્પને મળ્યો ઝાટકો! જન્મજાત નાગરિકતા મર્યાદિત કરવાના સરકારના આદેશ પર રોક
