National News: વડાપ્રધાન નરેન્દ્ર મોદી (pm modi) તેમનો બે દિવસનો યુએસ પ્રવાસ પૂરો કરીને ભારત પરત ફરવા માટે વિમાનમાં સવાર થઈ ગયા છે. 36 કલાકની અંદર છ દ્વિપક્ષીય બેઠકોમાં હાજરી આપીને, પીએમ મોદીએ સંરક્ષણ, વેપાર અને અન્ય ક્ષેત્રો સાથે સંબંધિત ઘણા મહત્વપૂર્ણ કરાર કર્યા. F-35 ફાઈટર એરક્રાફ્ટ અને 26/11 હુમલાના આરોપીઓનું ભારતને પ્રત્યાર્પણ આમાંથી એક છે. અમેરિકામાં જ પીએમ મોદીને અદાણી વિશે પ્રશ્નો પૂછવામાં આવ્યા હતા. આના જવાબમાં તેમણે કહ્યું કે બે દેશના વડા આ પ્રકારની અંગત બાબતો માટે મળતા નથી.
પીએમ મોદીએ વસુધૈવ કુટુમ્બકમની ભારતની પરંપરાનો પણ ઉલ્લેખ કર્યો અને કહ્યું કે તેઓ દરેક ભારતીયને પોતાનો માને છે. જો કે વિપક્ષના નેતા રાહુલ ગાંધીએ આ મુદ્દે પીએમની પણ ટીકા કરી છે.
શું કહ્યું પીએમ મોદીએ?
પીએમ મોદીને ઉદ્યોગપતિ ગૌતમ અદાણી વિરુદ્ધ તપાસ અંગે પૂછવામાં આવ્યું હતું. આ મુદ્દા પર જવાબ આપતા પીએમ મોદીએ કહ્યું, “ભારત એક લોકશાહી દેશ છે. આપણા મૂલ્યો, આપણી સંસ્કૃતિ વસુધૈવ કુટુમ્બકમની છે. અમે આખી દુનિયાને અમારો પરિવાર માનીએ છીએ. હું દરેક ભારતીયને પોતાનો માનું છું. બીજી વાત એ છે કે બે દેશના વડાઓ આ પ્રકારની અંગત બાબતો માટે મળતા નથી, નથી બેસતા, ન તો વાત કરતા નથી.”
રાહુલ ગાંધીએ ટીકા કરી હતી
देश में सवाल पूछो तो चुप्पी,
विदेश में पूछो तो निजी मामला!अमेरिका में भी मोदी जी ने अडानी जी के भ्रष्टाचार पर पर्दा डाल दिया!
जब मित्र का जेब भरना मोदी जी के लिए “राष्ट्र निर्माण” है, तब रिश्वतखोरी और देश की संपत्ति को लूटना “व्यक्तिगत मामला” बन जाता है।
— Rahul Gandhi (@RahulGandhi) February 14, 2025
આ મામલે પીએમ મોદીની ટીકા કરતા રાહુલ ગાંધીએ સોશિયલ મીડિયા પ્લેટફોર્મ પર લખ્યું.
આ પણ વાંચો: હવે ગેરકાયદેસર ઇમિગ્રન્ટ્સને અમેરિકા પહોંચતા જ કસ્ટડીમાં લેવામાં આવશે
આ પણ વાંચો: 7 લાખ ભારતીયો માટે ખતરો? ગેરકાયદેસર ઇમિગ્રન્ટ્સ માટે ગુરુદ્વારાઓમાં સર્ચ ઓપરેશન
