બોલીવુડ અભિનેત્રી કરીના કપૂર આજે વિવાદમાં જોવા મળી. હાઈકોર્ટે ધર્મના અપમાન મામલે કરીના કપૂરને નોટિસ ફટકારી છે. અભિનેત્રીએ એક પુસ્તક લખ્યું હતું. આ પુસ્તકમાં ટાઈટલને લઈને અભિનેત્રી કાયદાકીય મુશ્કેલીમાં મુકાઈ છે.
કરીના કપૂર ખાનને મધ્યપ્રદેશ હાઈકોર્ટે એક નાગરિકની અરજી પર નોટિસ ફટકારી છે. આ કિસ્સામાં, ગર્ભાવસ્થા પરના તેમના પુસ્તકના શીર્ષકમાં ‘બાઇબલ’ શબ્દનો ઉપયોગ કરવામાં આવ્યો છે. આમ કરવા બદલ તેમની સામે ફોજદારી કેસ નોંધવાની માંગ કરવામાં આવી છે. પુસ્તક, ‘કરિના કપૂર ખાનની પ્રેગ્નન્સી બાઇબલ: ધ અલ્ટીમેટ મેન્યુઅલ ફોર મોમ્સ-ટુ-બી’, ઓગસ્ટ 2021માં રિલીઝ કરવામાં આવી હતી.
વકીલ ક્રિસ્ટોફર એન્થોનીએ પોતાની અરજીમાં કહ્યું હતું કે પુસ્તકના શીર્ષકથી ખ્રિસ્તીઓની ધાર્મિક ભાવનાઓને ઠેસ પહોંચી છે. અરજીમાં કહેવામાં આવ્યું છે કે શીર્ષકમાં ‘બાઇબલ’ શબ્દનો ઉપયોગ સસ્તી લોકપ્રિયતા મેળવવાનો હેતુ છે અને તે વાંધાજનક છે.
કરીના કપૂર વિરુદ્ધ અરજદારે કરી અરજી
એન્થોનીએ એડિશનલ સેશન્સ કોર્ટ દ્વારા પસાર કરાયેલા આદેશને પડકારતા હાઈકોર્ટમાં ગયા હતા, જેણે કરીના કપૂર વિરુદ્ધ કેસ નોંધવાની તેમની અરજીને ફગાવી દીધી હતી. આ કેસની આગામી સુનાવણી 1 જુલાઈએ થવાની શક્યતા છે. જબલપુરના રહેવાસીએ શરૂઆતમાં સ્થાનિક પોલીસ સ્ટેશનમાં ફરિયાદ નોંધાવી હતી. પોતાની ફરિયાદમાં એન્થોનીએ આરોપ લગાવ્યો છે કે પુસ્તકના શીર્ષકથી ખ્રિસ્તી સમુદાયની ભાવનાઓને ઠેસ પહોંચી છે કારણ કે બાઇબલ જેવા પવિત્ર પુસ્તકની અભિનેત્રીની પ્રેગ્નન્સી સાથે તુલના કરી શકાય નહીં.
પોલીસની ફરિયાદ નોંધવા ઇનકાર
જોકે, પોલીસે કેસ નોંધવાનો ઈન્કાર કર્યો હતો. પછી એન્થોનીએ મેજિસ્ટ્રેટ કોર્ટમાં આવી જ રાહતની માંગ કરી હતી. તેની અરજી પણ કોર્ટે ફગાવી દીધી હતી, કારણ કે તે સાબિત કરવામાં નિષ્ફળ ગયો હતો કે કેવી રીતે ‘બાઇબલ’ શબ્દના ઉપયોગથી ખ્રિસ્તીઓની લાગણીઓને ઠેસ પહોંચી છે. આ પછી તેણે એડિશનલ સેશન્સ કોડનો સંપર્ક કર્યો, જેણે પણ કોઈ રાહત આપવાનો ઇનકાર કર્યો.
આ પણ વાંચો: માલદીવ આવ્યુ ઘૂંટણિયે, વિદેશ પ્રધાન મૂસા ઝમીરે માંગી માફી ‘આવી ભૂલ ફરી નહીં થાય’
આ પણ વાંચો: અરવિંદ કેજરીવાલને સુપ્રીમ કોર્ટમાંથી 1 જૂન સુધી મળ્યા વચગાળાના જામીન
આ પણ વાંચો: હેમંત સોરેનને સુપ્રીમ કોર્ટમાંથી ન મળી રાહત, જાણો વચગાળાના જામીન પર આગામી સુનાવણી ક્યારે…
