‘મેં મારી પત્નીને મારી નાંખી છે. તેની લાશ ઘરમાં જ પડી છે. તમે ચાલો અને લાશને તમારા કબજે કરી લો. પછી તમારે જે કાનૂની કાર્યવાહી કરવાની જરૂર છે તે કરો. આ સાંભળીને પોલીસ મથકમાં હાજર પોલીસ સમજી ગઈ કે આ કોઈ આની મગજની સ્થિતિ ખરાબ છે. બાદમાં પોલીસને જાણ હોવાની બાતમી મળી ત્યારે પોલીસ મથકના પોલીસકર્મીઓ પરસેવાથી રેપજેપ થઇ ગઈ હતી..
આ સનસની ઘટના દિલ્હીના માલવીયા નગર પોલીસ સ્ટેશનની છે. પોલીસના જણાવ્યા અનુસાર, “હત્યા માટે ધરપકડ કરાયેલ વ્યક્તિનું નામ સુમિત મોંગિયા (38) છે. સુમિત દ્વારા જે મહિલાની હત્યા કરવામાં આવી હતી તે મહિલાની લાશ ઘરમાં જ પડી હતી અને પોલીસને જાણ કરવા પોતે જ પોલીસ સ્ટેશન પહોંચ્યો હતો. તે આરોપીની પત્ની છે. હત્યા કરવામાં આવેલ કરાયેલ મહિલાનું નામ દીપિકા છે. “
દીપિકા (31) અને સુમિતે વર્ષ 2009 માં લગ્ન કર્યા હતા. આ દંપતીને બે બાળકો છે. આરોપી સુમિત ખિડકી એક્સ્ટેંશનમાં સ્થિત એક ઈમારતના ચોથા માળે રહે છે. જ્યારે તેનો બાકીનો પરિવાર આ જ ઈમારતના ત્રીજા માળે રહે છે.
બુધવારે સવારે સાડા નવ વાગ્યાની આસપાસની આ ઘટના હોવાનું જાણવા મળી રહ્યું છે. માલવીયા નગર પોલીસ સ્ટેશનના જણાવ્યા અનુસાર, “સુમિતે પોલીસને કહ્યું હતું કે પત્ની દીપિકા તેની સાથે રોજ નાની નાની બાબતો પર ઝઘડો કરતી હતી. રોજ-રોજના ઝગડાથી કંટાળીને સુમિતે દીપિકાની ગળું દબાવીને હત્યા કરી દીધી હતી. ” પોલીસે દીપિકાના મૃતદેહને કબજે લઇ પોસ્ટમોર્ટમ માટે મોકલી આપ્યો છે. ઘટના સ્થળને સીલ કરી દેવામાં આવ્યું છે. ઘટનાની તપાસ હજી ચાલુ છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
