ઈન્ડિયન પ્રીમિયર લીગ (આઈપીએલ)ની 13 મી સીઝનનાં આજનાં મુકાબલામાં રોયલ ચેલેન્જર્સ બેંગલોર (આરસીબી) અને મુંબઇ ઈન્ડિયન્સ આમને સામને છે. આજેની મેચ દુબઈ આંતરરાષ્ટ્રીય ક્રિકેટ સ્ટેડિયમમાં રમાઇ રહી છે. મુંબઈ ઈન્ડિયન્સે ટોસ જીતીને રોયલ ચેલેન્જર્સ બેંગલોરને પ્રથમ બેટિંગ માટે આમંત્રણ આપ્યું છે.
રોયલ ચેલેન્જર્સ બેંગલોર માટે દેવદત્ત પૌડિકલ અને એરોન ફિંચે ઇનિંગની શરૂઆત કરી. ટ્રેન્ટ બોલ્ટ મુંબઈ ઈન્ડિયન્સ વતી રોયલ ચેલેન્જર્સ બેંગલોર સામે પહેલી ઓવર કરી રહ્યો છે. આ મેચમાં એડમ જંપા અને ઇસુરુ ઉદના રોયલ ચેલેન્જર્સ બેંગલોર તરફથી રમી રહ્યા છે, જ્યારે ઇશાન કિશનને મુંબઈ ઈન્ડિયન્સ માટે સૌરભ તિવારીની જગ્યાએ ટીમમાં સામેલ કરવામાં આવ્યો છે.
રોહિત શર્માની અધ્યક્ષતાવાળી મુંબઈ ઈન્ડિયન્સ પાછલી મેચમાં કોલકાતા નાઈટ રાઇડર્સ (કેકેઆર)ને હરાવીને વિજેતા ટ્રેક પર પાછી ફરી હતી, જ્યારે વિરાટની કેપ્ટતાની નીચેની રોયલ ચેલેન્જર્સ બેંગલોરને કિંગ્સ ઇલેવન પંજાબ સામે શરમજનક પરાજયનો સામનો કરવો પડ્યો હતો. આ મેચમાં મુંબઈ ઈન્ડિયન્સને જીતની મોટી આશા છે, પરંતુ વિરાટની ટીમ પણ વિજેતા ટ્રેક પર પાછા જવા માટે કટ્ટીબદ્ધ છે. વિરાટ આ સિઝનમાં હજી ફોર્મમાં આવ્યો નથી અને આ મેચથી તે પોતાનાં ટીકાકારોને તેના બેટથી ચોક્કસપણે બોલતી બંધ કરવાનો પ્રયાસ કરશે, જ્યારે મુંબઈ ઈન્ડિયન્સના કેપ્ટન રોહિત શર્માએ છેલ્લી મેચમાં ભારે બેટિંગ બતાવી દીધી છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને FaceBook, Twitter, Instagram અને YouTubeપર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “Mantavya News” ની નવી મોબાઇલ એપ્લિકેશન….
