Iran: ઈરાન પરમાણુ શસ્ત્રો બનાવવા માટે જરૂરી ગુણવત્તામાં યુરેનિયમને શુદ્ધ કરવાની નજીક છે. ઈરાને 60 ટકા સુધી યુરેનિયમનું શુદ્ધિકરણ કર્યું છે, જ્યારે પરમાણુ શસ્ત્રો બનાવવા માટે 90 ટકા શુદ્ધ યુરેનિયમની જરૂર પડે છે. ઇન્ટરનેશનલ એટોમિક એનર્જી એજન્સી (IAEA) એ ત્રણ જગ્યાએથી મેળવેલા શુદ્ધ યુરેનિયમના પરીક્ષણ બાદ આ વાત કહી છે.
એજન્સીએ કહ્યું છે કે ઈરાન તેના પરમાણુ કાર્યક્રમ અંગે પૂરતી માહિતી આપી રહ્યું નથી. IAEA પાસે માર્ચ 2023 પછી ઈરાનના પરમાણુ કાર્યક્રમને લઈને કોઈ સત્તાવાર માહિતી નથી.
વિશ્વના ભવિષ્ય માટે જોખમો રહે છે
એજન્સીના વડા રાફેલ ગ્રોસીએ આ મહિને ઈરાનની મુલાકાત લીધી હતી અને ત્યાંના અધિકારીઓ સાથે સંકલન કરીને પરમાણુ પ્લાન્ટની નિરીક્ષણ પ્રક્રિયાને ફરીથી શરૂ કરવાનો પ્રયાસ કર્યો હતો. પરંતુ તેને સફળતા ન મળી. જેના કારણે ભવિષ્યને લઈને જોખમો છે.
ઈરાન રાયસીની નીતિઓને આગળ વધારશે
દરમિયાન, ઈરાનમાં, કાર્યકારી રાષ્ટ્રપતિ મોહમ્મદ મોખ્બરે સોમવારે તેહરાનમાં દેશની સંસદને સંબોધિત કર્યું. તેમણે કહ્યું કે, છેલ્લા મહિનામાં ઘણા મોટા પગલા લેવા છતાં દેશની અર્થવ્યવસ્થા મજબૂત અને સ્થિર છે. આ સ્થિતિ આપણા દિવંગત નેતા ઈબ્રાહિમ રાયસીના નિર્ણયોને કારણે છે. પશ્ચિમી દેશોના તમામ પ્રતિબંધો છતાં દેશનું તેલ ઉત્પાદન વધી રહ્યું છે અને તેનાથી દેશની અર્થવ્યવસ્થા મજબૂત થઈ રહી છે. તેથી, ઈરાન રાયસીની નીતિઓને અનુસરવાનું ચાલુ રાખશે.
આ પણ વાંચો: બાબા વાંગાની ભવિષ્યવાણીઓ સાચી પડી તો વિશ્વમાં મચી જશે હાહાકાર
આ પણ વાંચો: પૃથ્વી અને શુક્રની વચ્ચે પણ રહેવા જેવી જગ્યા છે! NASAએ કરી શોધ
