New Delhi : વકફ (સુધારા) બિલ 2024 લાંબા સમયથી ચર્ચામાં છે. સૂત્રોના જણાવ્યા અનુસાર, વકફ માટે રચાયેલી સંયુક્ત સંસદીય સમિતિ (JPC) આજે ગુરુવારે (13 ફેબ્રુઆરી 2025) સંસદમાં પોતાનો અહેવાલ રજૂ કરશે. તે 1 ફેબ્રુઆરીના રોજ લોકસભામાં રજૂ કરવામાં આવ્યું હતું. વક્ફ સુધારા બિલ 2024 પર JPC રિપોર્ટ સોમવારે (3 ફેબ્રુઆરી) સંસદમાં રજૂ થવાનું હતું, પરંતુ તેને મુલતવી રાખવામાં આવ્યું હતું. JPC ના અધ્યક્ષ જગદંબિકા પાલે કહ્યું હતું કે જ્યારે લોકસભા સ્પીકર તેને એજન્ડામાં મૂકશે, ત્યારે અમે તેને રજૂ કરીશું.
વકફ કાયદાથી દરેકને ફાયદો થશે – જગદંબિકા પાલ
જગદંબિકા પાલે કહ્યું હતું કે, વકફ કાયદો લાગુ થયા પછી દેશના ગરીબો, લઘુમતીઓ અને વિધવાઓને ફાયદો થશે. તેમણે કહ્યું હતું કે, “ત્રણ તલાક પર સરકારે લીધેલા નિર્ણયનું મુસ્લિમ મહિલાઓએ સ્વાગત કર્યું હતું. મારું માનવું છે કે જ્યારે આ JPC રિપોર્ટ રજૂ કરવામાં આવશે, ત્યારે દેશના તમામ લોકોને લાગશે કે તેમની સરકારે વક્ફ બોર્ડમાં સારો સુધારો કર્યો છે. લોકોને તેનો ફાયદો થશે.”
વિપક્ષી સાંસદોએ તેને અલોકતાંત્રિક ગણાવ્યું
કેટલાક વિપક્ષી સાંસદોએ આ સાથે અસંમત થઈને તેને અલોકતાંત્રિક ગણાવ્યું છે. વિપક્ષે તેને મુસ્લિમ સમુદાયના બંધારણીય અધિકારો પર હુમલો અને વક્ફ બોર્ડના કામકાજમાં દખલ ગણાવી છે. આ સાંસદોનું કહેવું છે કે તેમને અંતિમ અહેવાલનો અભ્યાસ કરવા અને તેમની સંમતિ નોંધી તૈયાર કરવા માટે ખૂબ જ ઓછો સમય આપવામાં આવ્યો હતો.
વકફ (સુધારા) બિલ પર સંસદની સંયુક્ત સમિતિએ ડ્રાફ્ટ બિલ પરના અહેવાલને 15-11 મતોથી સ્વીકાર્યો. ભાજપનું કહેવું છે કે ગયા વર્ષે ઓગસ્ટમાં લોકસભામાં રજૂ કરાયેલ આ બિલ વકફ મિલકતોના સંચાલનમાં પારદર્શિતા અને જવાબદારી લાવવાનો પ્રયાસ છે. ગયા મહિને વકફ સુધારા કાયદા પર JPC ની બેઠકમાં 44 સુધારાઓ પર ચર્ચા કરવામાં આવી હતી. એનડીએ(NDA)ના સાંસદોએ 14 સુધારા સ્વીકાર્યા હતા, જ્યારે વિપક્ષના સાંસદોએ તેને નકારી કાઢ્યા હતા.
આ પણ વાંચો: દિલ્હી વકફની બેઠક પૂરી, JPCએ 11 વિરુદ્ધ 14 મતથી બિલને સ્વીકાર્યું
આ પણ વાંચો: વકફ સુધારા બિલ નવી શૈલીમાં આવશે! JPCએ શાસક પક્ષના 14 સુધારા પ્રસ્તાવોને મંજૂરી
આ પણ વાંચો: જેપીસીએ વકફ બિલ પર ઉતાવળમાં રિપોર્ટ દાખલ ન કરવો જોઈએ, પર્સનલ લો બોર્ડે વ્યક્ત કર્યો વાંધો
