બ્રિટનના પ્રખ્યાત લંડન બ્રિજ નજીક શુક્રવારે થયેલી છરાબાજીમાં સંડોવાયેલા શંકાસ્પદ વ્યક્તિ, ૨૦૧૨ માં, આતંકવાદી પ્રવૃત્તિઓમાં દોષી સાબિત તઃયો હતો અને સજા પણ કાપી ચુક્યો છે. બ્રિટનના પ્રખ્યાત લંડન બ્રિજ પાસે શુક્રવારે છરી મારવાની ઘટનામાં બે લોકોનાં મોત નીપજ્યાં હતાં. તે જ સમયે, સ્કોટલેન્ડ યાર્ડે ઘટના સ્થળે બનાવટી વિસ્ફોટક જાકીટ પહેરેલા શંકાસ્પદ વ્યક્તિની હત્યાની પુષ્ટિ કરી છે.
પોલીસે શકમંદની ઓળખ 28 વર્ષીય ઉસ્માનખાન તરીકે કરી છે. તેમણે એમ પણ કહ્યું હતું કે હાલ આ ઘટનામાં બીજા કોઈની સંડોવણી હોવાની સંભાવના નથી. કાઉન્ટર ટેરરિઝમ પોલિસીંગ, સ્કોટલેન્ડ યાર્ડના વડા સહાયક કમિશનર નીલ બાસુએ જણાવ્યું હતું કે તેની ઓળખ થઈ ગઈ છે. 2012 માં, તે આતંકવાદી પ્રવૃત્તિઓમાં સામેલ થવા બદલ દોષી સાબિત થયો હતો અને ડિસેમ્બર 2018 માં તે જેલમાંથી છૂટી ગયો હતો.
બ્રિટનના વડા પ્રધાન બોરિસ જ્હોન્સને એક નિવેદનમાં કહ્યું કે તપાસ ચાલુ છે. પોલીસ પુષ્ટિ કરી શકે છે કે તે આતંકવાદી ઘટના છે. બ્રિટિશ આતંકવાદ વિરોધી અધિકારીઓએ તપાસ હાથ ધરી છે અને આ ઘટનાને આતંકવાદી ઘટના જાહેર કરી છે.
પોલીસે પુલને ઘેરી લીધો છે. લંડન બ્રિજ એ તે વિસ્તારોમાંનો એક છે જ્યાં જૂન 2017 માં આઈએસઆઈએસના આતંકી હુમલામાં 11 લોકોનાં મોત થયાં હતાં.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
