Manipur News : શુક્રવારે, પર્વતીય વિસ્તારોમાંથી હથિયારો સાથે લોકોએ મણિપુરના ઇમ્ફાલ પૂર્વ જિલ્લાના 2 ગામો પર બંદૂકો અને બોમ્બથી હુમલો કર્યો હતો. પોલીસે જણાવ્યું કે આ હુમલાઓને કારણે સ્થાનિક લોકો ગભરાઈ ગયા હતા. વિસ્તારમાં ગભરાટ ફેલાઈ ગયો હતો. જો કે કોઈ જાનહાનિ થઈ નથી.
મણિપુરના ઇમ્ફાલ પૂર્વ જિલ્લાના એક વરિષ્ઠ પોલીસ અધિકારીએ પીટીઆઈને જણાવ્યું હતું કે, સાંસાબી અને થમનાપોકપી ગામમાં હુમલામાં કોઈને ઈજા થઈ નથી. તેમણે કહ્યું કે હુમલા બાદ સુરક્ષા દળોએ જવાબી કાર્યવાહી કરી જેના પરિણામે બંને ગામોમાં ભારે ગોળીબાર થયો હતો. પોલીસ અધિકારીએ જણાવ્યું હતું કે હથિયારો સાથે માણસોએ અંધાધૂંધ ગોળીબાર શરૂ કર્યો હતો અને સવારે 10.45 વાગ્યાની આસપાસ સાંસાબી ગામ અને આસપાસના વિસ્તારોમાં બોમ્બ ફેંકવાનું શરૂ કર્યું હતું, જેનાથી સુરક્ષાકર્મીઓ જવાબી કાર્યવાહી કરવા માટે પ્રેર્યા હતા. સશસ્ત્ર લોકો અને સુરક્ષાકર્મીઓ વચ્ચે ગોળીબાર શરૂ થયા બાદ સ્થાનિક લોકો અહીં-તહીં દોડતા જોવા મળ્યા હતા, સર્વત્ર અરાજકતાનો માહોલ હતો.
પોલીસ અધિકારીએ જણાવ્યું હતું કે હથિયાર સાથે માણસોએ સવારે 11.30 વાગ્યે જિલ્લાના થમનાપોકપી ગામમાં પણ હુમલો કર્યો હતો, જેના કારણે ત્યાંના રહેવાસીઓમાં ગભરાટ ફેલાયો હતો. CRPF ના જવાનો સહિત સુરક્ષા દળોએ ક્રોસફાયરમાં ફસાયેલી ઘણી મહિલાઓ, બાળકો અને વૃદ્ધોને બચાવ્યા હતા.
તમને જણાવી દઈએ કે, મણિપુરમાં મેઇતેઈ અને કુકી-જો જૂથો વચ્ચેની જાતિય હિંસામાં ગયા વર્ષે મેથી અત્યાર સુધીમાં 250થી વધુ લોકો માર્યા ગયા છે અને હજારો લોકો બેઘર થઈ ગયા છે.
આ પણ વાંચો: મણિપુરમાં ફરી હિંસા ભડકી, કામ પરથી પરત ફરી રહેલા બિહારના બે મજૂરોની ગોળી મારીને હત્યા કરવામાં આવી
આ પણ વાંચો: મણિપુરમાં આતંક મચાવવાના કાવતરાનો પર્દાફાશ, ICICI બેંક અને કંગલા ફૂડ્સમાંથી મળ્યા ગ્રેનેડ
