પીએમ મોદી અમેરિકાથી સ્વદેશ પરત આવી ગયા છે. પીએમ મોદીનું વિમાન દિલ્હીનાં પાલમ એરપોર્ટ પર ઉતર્યું છે. એરપોર્ટ પર વડા પ્રધાન નરેન્દ્ર મોદીને આવકારવાની તૈયારીઓ ચાલુ છે. ભાજપનાં કાર્યકારી પ્રમુખ જેપી નડ્ડા અને ભાજપનાં સાંસદ મનોજ તિવારીએ પીએમ મોદીનું સ્વાગત કર્યું. પીએમ મોદીને આવકારવા માટે ભાજપનાં અનેક દિગ્ગજ નેતાઓ અને પાર્ટીનાં કાર્યકરો પણ પહોંચ્યા છે.
Prime Minister Narendra Modi arrives in Delhi, after concluding his visit to the United States of America. (File pic) pic.twitter.com/6CYb8Ye59R
— ANI (@ANI) September 28, 2019
અમેરિકામાં પોતાના 7 દિવસનાં પ્રવાસ પૂર્ણ થતા વડા પ્રધાન નરેન્દ્ર મોદી નવી દિલ્હી પરત ફર્યા છે. ભાજપ પીએમ મોદીનાં ભવ્ય સ્વાગતની તૈયારી કરી દીધીછે. પાલમ એરપોર્ટ પર પીએમ મોદીનાં સ્વાગત માટે ભાજપે અનેક કાર્યક્રમોનું આયોજન કર્યું છે.
વડા પ્રધાન નરેન્દ્ર મોદી એક અઠવાડિયાની યુ.એસ. મુલાકાત બાદ થોડા સમયમાં નવી દિલ્હી પરત આવવાના છે. પાલમ એરપોર્ટ પહોંચ્યા બાદ ભારતીય જનતા પાર્ટી (ભાજપ) એ તેમના સ્વાગત માટે અનેક કાર્યક્રમોનું આયોજન કર્યું છે. પાર્ટીનાં નેતાઓ અને કાર્યકરોનું કહેવું છે કે, વડા પ્રધાન નરેન્દ્ર મોદીએ અમેરિકન ધરતી પર દેશનું ગૌરવ વધાર્યું છે અને યુએન પ્લેટફોર્મ પરથી પાકિસ્તાનની કરતૂતોને દુનિયા સમક્ષ રજૂ કરી છે, તે જોતા એક મોટી ઉજવણીની તૈયારી કરવામાં આવી છે.
Delhi: BJP workers gather outside Palam Technical Airport to welcome PM Narendra Modi. pic.twitter.com/65Z6H6duum
— ANI (@ANI) September 28, 2019
ભાજપે આ માટે એક રોડ શો પણ યોજ્યો છે જેમાં દિલ્હીનાં તમામ સાત સાંસદ હાજર રહેશે. આ ઉપરાંત મોટી સંખ્યામાં પાર્ટીનાં કાર્યકરો પણ હાજર રહેશે. તાજેતરમાં કાર્યકર્તાઓ એરપોર્ટની આજુબાજુ એકઠા થયા છે. પ્રાપ્ત માહિતી અનુસાર, વડા પ્રધાન નરેન્દ્ર મોદીનો કાફલો 8.30 વાગ્યે પાલમ એરપોર્ટ ટેકનિકલ વિસ્તારમાંથી નીકળીને એરપોર્ટ રોડથી તિમાયા માર્ગ પહોંચશે. પ્રધાનમંત્રીનો રોડશો કાર્યક્રમ પણ યોજાયો છે. રોડ શો તિમાયા માર્ગ પર સમાપ્ત થશે. લગભગ અઢી કિલોમીટરની યાત્રા રહેશે. ત્યારબાદ વડા પ્રધાનનો કાફલો સીધો જ પરેડ રોડ થઈને ગુરુગ્રામ રોડ થઈ વડા પ્રધાનનાં નિવાસસ્થાને પહોંચશે.
ભારતીય ક્રિકેટ ટીમ જ્યારે દેશની બહાર કોઇ ટૂર્નામેન્ટ જીતીને વતન પરત ફરે છે ત્યારે જે તેનુ સ્વાગત કરવામાં આવે છે તેવો જ માહોલ અત્યારે દિલ્હી એરપોર્ટ પર જોવા મળી રહ્યો છે. ભાજપનાં કાર્યકર્તાઓ ખુશીનાં માર્યા નાચી રહ્યા છે અને મોદી- મોદીનાં નારા લગાવી રહ્યા છે. ઉલ્લેખનીય છે કે પીએમ મોદીએ તેમની મુલાકાત દરમિયાન ઘણા મહત્વનાં કાર્યક્રમોમાં ભાગ લીધો હતો અને ઘણા રાષ્ટ્રધ્યક્ષોને મળ્યા હતા.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
