મુંબઈ,
આર્થિક રાજધાની મુંબઈમાં મોનસૂનનો પ્રારંભ તોફાની વરસાદ સાથે થયો છે. વરસાદના કારણે મુંબઈના કેટલાક વિસ્તારોમાં પાણી ભરાયા હોવાના અહેવાલો પ્રાપ્ત થયા છે. એક બાજુ ભારે વરસાદના માયાનગરીના લોકોને ગરમીમાંથી રાહત મળી છે તો બીજી બાજુ પાણી ભરાવવાના કારણે લોકોને ભારે હાલાકીનો સામનો કરવો પડી રહ્યો છે.
Maharashtra: Heavy rain lashes #Mumbai leaving streets water-logged in several parts of the city. Visuals from Hindmata area. pic.twitter.com/rAUBIYQPFr
— ANI (@ANI) June 7, 2018
વરસાદના કારણે કેટલાક વિસ્તારોની રસ્તાઓ પર ટ્રાફિક જામના દ્રશ્યો સામે આવ્યા છે તેમજ વિમાન સેવા પર વરસાદની અસર જોવા મળી રહી છે. જયારે મુંબઈની લાઈફલાઈન કહેવાતી લોકલ ટ્રેન પર પણ વરસાદની અસર પડી છે. ભારે વરસાદના કારણે લોકલ ટ્રેન ૨૦ મિનિટ સુધી લેટ ચાલી રહી છે.
Bombay Municipal Corporation cancels Saturday and Sunday offs of its officers after heavy rain warnings issued by India Meteorological Dept. #MumbaiRains pic.twitter.com/XvKLYI5PmL
— ANI (@ANI) June 7, 2018
બીજી બાજુ હવામાન વિભાગ દ્વારા જાહેર કરવામાં આવેલા ભારે વરસાદના એલર્ટ બાદ બૃહદ મુંબઈ મહાનગરપાલિકા (BMC) દ્વારા અધિકારીઓની રજા પણ રદ્દ કરી દેવામાં આવી છે.
અત્રે ઉલ્લેખનીય છે કે, હવામાન વિભાગ દ્વારા ૯ થી ૧૧ જૂન વચ્ચે મુંબઈમાં ભારે વરસાદની આગાહી કરી હતી, પરંતુ આ પહેલા મોનસૂને એન્ટ્રી કરી છે.
હવામાન વિભાગ દ્વારા જણાવ્યા અનુસાર, ૬-૭ જૂનમાં માયાનગરીના કોલાબામાં ૩.૮ મિમી વરસાદ, સાંતાક્રુઝમાં ૧૮.૮ મિમી વરસાદ નોધાયો છે. ભારે વરસાદના કારણે દાદર, પરેલ, કફ પરેડ, બાંદ્રા, બોરીવલી અને અંધેરીમાં રસ્તાઓ પર પાણી ભરાયા છે.
ભારે વરસાદના એલર્ટને જોતા આ દરમિયાન કોઈ પણ સમસ્યા સામે નિપટવા માટે સબંધિત અધિકારીઓને આદેશ આપવામાં આવ્યા છે તેમજ BMC દ્વારા NDRF (નેશનલ ડિઝાસ્ટર રીવ્યુ ફોર્સ)ની ત્રણ ટૂકડીઓને પણ તૈયાર રહેવા માટે જણાવવામાં આવ્યું છે.
