New Delhi News: NIAએ ગેંગસ્ટર લોરેન્સ બિશ્નોઈના (Lawrence Bishnoi) ભાઈ અનમોલ પર 10 લાખ રૂપિયાનું ઈનામ રાખ્યું છે. NIAની મોસ્ટ વોન્ટેડ લિસ્ટમાં અનમોલ બિશ્નોઈનું (Anmol Bishnoi) નામ પણ સામેલ છે.
મળતી માહિતી મુજબ ગેંગસ્ટર લોરેન્સ બિશ્નોઈનો ભાઈ અનમોલ કેનેડા અને અમેરિકામાં બેસીને આ ગેંગને ચલાવી રહ્યો છે. બાબા સિદ્દીકીની હત્યા કેસમાં અનમોલ બિશ્નોઈનું નામ પણ સામે આવ્યું છે. આ હત્યા કેસના શૂટર્સ અનમોલ બિશ્નોઈના સંપર્કમાં હતા. અનમોલ બિશ્નોઈએ સલમાન ખાનના ઘરે ફાયરિંગની જવાબદારી પણ લીધી છે. 15 એપ્રિલે સલમાન ખાનના ઘરની બહાર ફાયરિંગ થયું હતું.
જેલમાં બંધ ગેંગસ્ટર લોરેન્સ બિશ્નોઈના ભાઈ અનમોલ બિશ્નોઈએ નવ મિનિટનું ભાષણ આપીને સલમાન ખાનના ઘરે ગોળીબાર કરનારા શૂટર્સને ઉશ્કેર્યા હતા. મુંબઈ પોલીસ ક્રાઈમ બ્રાન્ચ દ્વારા દાખલ કરવામાં આવેલી ચાર્જશીટમાં આ વાતનો ઉલ્લેખ કરવામાં આવ્યો છે. સૂત્રો મુજબ અનમોલ બિશ્નોઈએ બે શૂટર્સ વિકી ગુપ્તા અને સાગર પાલને કહ્યું હતું કે જ્યારે તેઓ અભિનેતાના ઘર પર હુમલો કરશે ત્યારે તેઓ ઈતિહાસ રચશે.
આ પણ વાંચોઃકોણ છે લોરેન્સ બિશ્નોઈનો હીરો? હાઈ-પ્રોફાઈલ ગુનાઓ સાથે છે મોટો સંબંધ
આ પણ વાંચોઃસલમાન ખાન બાદ લોરેન્સ બિશ્નોઈએ આ પંજાબી સિંગરના ઘરે કરાવ્યું ફાયરિંગ
