આગામી પ્રજાસત્તાક દિવસ 2023ના અવસરે જાહેર કરવામાં આવનાર પદ્મ પુરસ્કાર 2023 માટે ઓનલાઈન અરજીઓ સ્વીકારવાની શરૂઆત કરવામાં આવી છે. પહેલી મે થી તેની શરૂઆત કરવામાં આવી છે. પદ્મ પુરસ્કાર માટે નામાંકન માટેની છેલ્લી તારીખ 15મી સપ્ટેમ્બર, 2022 છે. પદ્મ પુરસ્કારો માટેના નામાંકન કે ભલામણો માત્ર નેશનલ એવોર્ડ પોર્ટલ એવોર્ડ્સ પર કરી શકાશે.

પદ્મ પુરસ્કારો, એટલે કે પદ્મ વિભૂષણ, પદ્મ ભૂષણ અને પદ્મ શ્રી, દેશના સર્વોચ્ચ નાગરિક પુરસ્કારોમાંના એક છે. 1954માં સ્થાપિત, આ પુરસ્કારો દર વર્ષે પ્રજાસત્તાક દિવસના અવસર પર જાહેર કરવામાં આવે છે. આ પુરસ્કાર ’વિશિષ્ટ કાર્ય’ તરીકે ઓળખવામાં આવે છે અને તમામ ક્ષેત્રો,વિદ્યાશાખાઓમાં વિશિષ્ટ અને અસાધારણ સિદ્ધિઓ,સેવા માટે આપવામાં આવે છે, જેમકે, કલા, સાહિત્ય અને શિક્ષણ, રમતગમત, દવા, સામાજિક કાર્ય, વિજ્ઞાન અને એન્જિનિયરિંગ, જાહેર બાબતો, સિવિલ. સેવા, વેપાર અને ઉદ્યોગ વગેરે. જાતિ, વ્યવસાય, પદ અથવા લિંગના ભેદભાવ વિના તમામ વ્યક્તિઓ આ પુરસ્કારો માટે પાત્ર છે.જ્યારે  ડોક્ટર્સ અને વૈજ્ઞાનિકો સિવાય PSUs સાથે કામ કરતા સરકારી કર્મચારીઓ પદ્મ પુરસ્કારો માટે પાત્ર નથી.

સરકાર પદ્મ પુરસ્કારોને “લોકોના પદ્મ”માં પરિવર્તિત કરવા માટે પ્રતિબદ્ધ છે. તેથી તમામ નાગરિકોને સ્વ નામાંકન સહિત નોમિનેશન, ભલામણો કરવા વિનંતી કરવામાં આવે છે.નામાંકન, સુઝાવોમાં ઉપરોક્ત પદ્મા પોર્ટલ પર ઉપલબ્ધ ફોર્મેટમાં ઉલ્લેખિત તમામ સંબંધિત વિગતો હોવી જોઈએ, જેમાં વર્ણનાત્મક સ્વરૂપમાં (મહત્તમ 800 શબ્દો) અવતરણનો સમાવેશ થાય છે.

આ અંગેની વિગતો ગૃહ મંત્રાલયની વેબસાઇટ (https://mha.gov.in) અને પદ્મ એવોર્ડ પોર્ટલ (https://padmaawards.gov.in) પર ‘પુરસ્કારો અને ચંદ્રકો’ શીર્ષક હેઠળ પણ ઉપલબ્ધ છે. આ પુરસ્કારો સંબંધિત કાયદાઓ અને નિયમો આ વેબસાઇટ પરથી જાણી શકો છે. https://padmaawards.gov.in/AboutAwards.aspx આ લિંક ઓપન કરીને તમામ માહિતી મેળવી શકો છો.