Tamilnadu News : તમિલનાડુના કૃષ્ણાગિરીમાં નકલી નેશનલ કેડેટ કોર્પ્સ (NCC) કેમ્પ દરમિયાન એક વિદ્યાર્થીની પર બળાત્કારનો મામલો સામે આવ્યો છે. આ ઉપરાંત અન્ય કેટલીક યુવતીઓએ પણ છેડતીનો આરોપ લગાવ્યો છે. જિલ્લાની ખાનગી શાળામાં આ મહિનાની શરૂઆતમાં આ શિબિરનું આયોજન કરવામાં આવ્યું હતું. આ સમયગાળા દરમિયાન, 13 વર્ષની બાળકી પર જાતીય હુમલો કરવામાં આવ્યો હતો અને અન્ય છોકરીઓની છેડતી કરવામાં આવી હતી. પોલીસે આ કેસમાં 8 લોકોની ધરપકડ કરી છે, જેમાં એક પ્રાદેશિક રાજકીય જૂથના જિલ્લા યુવા વિંગ સેક્રેટરી શિવરામનનો પણ સમાવેશ થાય છે.
શિબિરનું આયોજન કરનાર શિવરામન પર 13 વર્ષની બાળકીનું યૌન શોષણ કરવાનો આરોપ છે.અહેવાલ મુજબ, ધરપકડ કરાયેલા લોકોમાં તે શાળાના આચાર્યનો પણ સમાવેશ થાય છે જ્યાં એનસીસી કેમ્પનું આયોજન કરવામાં આવ્યું હતું. પોલીસ દ્વારા જણાવવામાં આવ્યું હતું કે શિવરામને પહેલા તે ખાનગી શાળાના પ્રિન્સિપાલનો સંપર્ક કર્યો હતો. આ સમય દરમિયાન તેમણે તાલીમ કાર્યક્રમ યોજવાની ઓફર કરી. એવો પણ દાવો કર્યો કે આનાથી શાળાને NCC યુનિટમાંથી મંજૂરી મેળવવાનું સરળ બનશે. શાળા વહીવટીતંત્ર આને લઈને ખૂબ જ ઉત્સાહિત જણાતું હતું અને તેણે શિવરામન અથવા તેની ટીમની સત્યતાની તપાસ કરી ન હતી. તેમાં નિવૃત્ત સીઆરપીએફ સબ ઈન્સ્પેક્ટર પણ સામેલ હતા.
પ્રિન્સિપાલે વાત છુપાવવાનો પ્રયાસ કર્યો હતો
આ કેમ્પ 5મી ઓગસ્ટથી 9મી ઓગસ્ટ દરમિયાન NCCના નામે યોજવામાં આવ્યો હતો. જેમાં 17 છોકરીઓ સહિત 41 વિદ્યાર્થીઓએ ભાગ લીધો હતો. કેસની તપાસ કરી રહેલા અધિકારીએ કહ્યું કે, ‘કેમ્પ દરમિયાન છોકરાઓને ગ્રાઉન્ડ ફ્લોર પર અને છોકરીઓને ઉપરના માળે રાખવામાં આવ્યા હતા. આ દરમિયાન મિલિટરી ટ્રેનિંગ જેવો કાર્યક્રમ યોજાયો હતો જેમાં વિદ્યાર્થીઓએ રાત્રિ દરમિયાન 4 કલાક ડ્યૂટી કરવાની હતી. આને શાળા કેમ્પસની સુરક્ષા માટે જૂથોમાં તૈનાત કરવામાં આવ્યા હતા. આરોપ છે કે આ દરમિયાન એક રાત્રે શિવરામને 13 વર્ષની બાળકીનું યૌનશોષણ કર્યું. પીડિતાએ આ અંગે શાળાના આચાર્ય સતીશ કુમારને ફરિયાદ કરી હતી. પરંતુ તેના પર કાર્યવાહી કરવાને બદલે ઘટનાને છુપાવવાનો પ્રયાસ કર્યો હતો. આ પછી છોકરીએ તેની માતાને આ વિશે જણાવ્યું અને પછી તેના પિતાએ પોલીસમાં ફરિયાદ કરી.
આ પણ વાંચો:અયોધ્યા રામ મંદિરને બોમ્બથી ઉડાવી દેવાની ધમકી, જૈશ-એ-મોહમ્મદે જાહેર કરી ઓડિયો ચેતવણી
આ પણ વાંચો:પેરિસથી આવતા વિસ્તારા પ્લેનને બોમ્બથી ઉડાવી દેવાની ધમકી, મુંબઈ એરપોર્ટ પર ઈમરજન્સી
આ પણ વાંચો:ચેન્નાઈથી મુંબઈ જતી ઈન્ડિગો ફ્લાઈટને મળી બોમ્બથી ઉડાવી દેવાની ધમકી, સુરક્ષા એજન્સીઓ સતર્ક
