ઓડિશાના બાલાસોરમાં ત્રણ ટ્રેનોની ટક્કરથી થયેલા ભયાનક અકસ્માતમાં અત્યાર સુધીમાં 288 કરતા વધુ લોકોના મોત થયા છે. જ્યારે 900થી વધુ લોકો ઘાયલ હોવાનું કહેવાય છે. તે જ સમયે, મૃત્યુઆંકમાં વધારો થવાની સંભાવના છે.
આ દુર્ઘટના બાદ બચાવ અને રાહતનું કામ ચાલી રહ્યું છે. હવે રેલવે મંત્રીએ ઉચ્ચ સ્તરીય તપાસના આદેશ આપ્યા છે. દુર્ઘટનાના કારણે આજે ઘણી ટ્રેનો રદ કરવામાં આવી છે. આ દર્દનાક ટ્રેન દુર્ઘટના પર માત્ર દેશ જ નહીં, વિદેશના વડાઓએ પણ શોક વ્યક્ત કર્યો છે.
અહીં પાકિસ્તાનના વડાપ્રધાન શાહબાઝ શરીફે પણ આ દુર્ઘટના પર દુ:ખ વ્યક્ત કર્યું છે. ઓડિશામાં ટ્રેન દુર્ઘટના પર શોક વ્યક્ત કરતાં તેમણે કહ્યું, “ભારતમાં ટ્રેન અકસ્માતમાં સેંકડો લોકોના મૃત્યુથી ખૂબ જ દુઃખી છું. આ ભયંકર દુર્ઘટનામાં તેમના પ્રિયજનોને ગુમાવનારા શોકગ્રસ્ત પરિવારો પ્રત્યે હું દિલથી સંવેદના વ્યક્ત કરું છું. આ સાથે, અમે ઇજાગ્રસ્તોના ઝડપથી સ્વસ્થ થવા માટે સર્વશક્તિમાનને પ્રાર્થના કરીએ છીએ.
નોંધપાત્ર વાત એ છે કે, બાલાસોરમાં દુર્ઘટના સ્થળે પહોંચેલા પશ્ચિમ બંગાળના મુખ્યમંત્રી મમતા બેનર્જીએ આજે એક મોટું નિવેદન આપતા કહ્યું કે, “પશ્ચિમ બંગાળ સરકારે રાજ્યના મૃત્યુ પામેલા લોકોના પરિવારજનોને 5-5 લાખ રૂપિયાનું વળતર આપવાની જાહેરાત કરી છે. બાલાસોર ટ્રેન દુર્ઘટનાની જાહેરાત. જ્યારે ગંભીર રીતે ઘાયલ થયેલા લોકો માટે 1 લાખ રૂપિયા અને સામાન્ય ઈજાગ્રસ્તોને 50,000 રૂપિયાની સહાયની જાહેરાત કરવામાં આવી છે.
અહીં કેન્દ્રીય મંત્રી ધર્મેન્દ્ર પ્રધાને બાલાસોર ટ્રેન દુર્ઘટના પર કહ્યું કે આ એક દુઃખદ ઘટના છે. કેટલાક ટેકનિકલ કારણોસર આ બન્યું છે. હાલમાં રેલવેએ તપાસના આદેશ આપ્યા છે. આ સાથે જ વડાપ્રધાન નરેન્દ્ર મોદી પણ અહીં ઘટનાનો તાગ મેળવામાં પહોંચ્યા છે. જો કે, તે પહેલા બાલાસોરમાં અકસ્માત સ્થળની મુલાકાત લેશે અને પછી કટકની હોસ્પિટલની મુલાકાત લેશે.
આ પણ વાંચો:અમરનાથ યાત્રા શરૂ થતા પહેલા બાબા બર્ફાનીની ગુફાનો VIDEO, લેફ્ટનન્ટ ગવર્નરે કરી પ્રથમ પૂજા
આ પણ વાંચો:બહાર આવ્યું દુર્ઘટનાનું કારણ, પહેલા સિગ્ન અપાયું અને પછી તરત પાછુ લઈ લેવાયુ
આ પણ વાંચો: ‘એન્ટી-કોલિઝન ડિવાઇસ હોત તો દુર્ઘટના ટળી શકી હોત’, ઘટનાસ્થળે પહોંચ્યા મમતા બેનર્જીનું મોટું નિવેદન
આ પણ વાંચો:કયા કારણોએ સર્જયો અકસ્માત, માનવીય ભૂલ કે ટેકનિકલ ખામી જવાબદાર
આ પણ વાંચો:ક્યારેય નહીં જોયો હોય આવો અકસ્માતઃ એન્જિન જ ગૂડ્સ ટ્રેન પર ચઢી ગયું
