કેનેડાના બ્રિટિશ કોલંબિયા પ્રાંતમાં શનિવારે એક વિમાન દુર્ઘટનામાં બે ભારતીય ટ્રેની પાઈલટના મોત થયા છે.એક મીડિયા રિપોર્ટ મુજબ આ અકસ્માતમાં મૃત્યુ પામેલા બે ટ્રેઈની પાઈલટના નામ અભય ગડરૂ અને યશ વિજય રામુગડે છે અને તે બંને મુંબઈના રહેવાસી હતા.
કેનેડિયન પોલીસ અધિકારીઓએ જણાવ્યું હતું કે, લાઈટ ટ્વીન એન્જિન પ્લેન, પાઇપર PA-34 સેનેકા ચિલીવેક શહેરમાં મોટેલની પાછળ ઝાડ અને ઝાડીઓમાં અથડાયું હતું. આ ઘટનામાં ભારતીય નાગરિકો ઉપરાંત અન્ય એક પાયલોટનું પણ મોત થયું છે.
મીડિયા રિપોર્ટ અનુસાર, બ્રિટિશ કોલંબિયામાં આવેલા વાનકુવરથી લગભગ 100 કિલોમીટર પૂર્વમાં આવેલા ચિલીવેક શહેરમાં એક નાનું પ્લેન ક્રેશ થતાં ત્રણ લોકોના મોત થયા છે. વિમાન એરપોર્ટ નજીક એક મોટેલની પાછળ ક્રેશ થયું હતું, જેમાં પાયલટ અને તેમાં સવાર તમામનું મૃત્યુ થયું હતું. મૃતકોમાં ત્રીજી વ્યક્તિ સાર્જન્ટ હતી. તે જ સમયે, મૃતકોના પરિવારોને અકસ્માતની જાણ કરવામાં આવી છે. આ વિમાન કેવી રીતે ક્રેશ થયું તે હજુ પણ અજ્ઞાત છે.
આ પણ વાંચો: America/ અમેરિકામાં ભારતીય મૂળના પરિવારની હત્યા? ઘરમાંથી દંપતી અને બે બાળકોના મળ્યા મૃતદેહ
આ પણ વાંચો: Explosion/ પાકિસ્તાનના પરમાણુ બોમ્બ બેઝ પાસે ભયાનક વિસ્ફોટ!
આ પણ વાંચો: Rajasthan Election 2023/ ખેડૂતોના નામે રાજકારણ અને ખેડૂતોએ જ બનાવ્યો નેતાઓનો મજાક…
